<
புதுச்சேரியில் இருந்து மரக்காணத்துக்கு காரில் மதுபாட்டில்கள் கடத்தல் 2 பேர் கைது
புதுச்சேரியில் இருந்து மரக்காணத்திற்கு காரில் கடத்திய மதுபாட்டில்கள் பறிமுதல் செய்யப்பட்டன. இதுதொடர்பாக 2 பேரை போலீசார் கைது செய்தனர்.
விழுப்புரம்,
விழுப்புரம் மாவட்டம் கோட்டக்குப்பம் மதுவிலக்கு அமல்பிரிவு போலீஸ் சப்&இன்ஸ்பெக்டர் ஜான்ஜோசப், ஏட்டு மஞ்சுநாதன், போலீஸ்காரர் செல்வம் ஆகியோர் நேற்று அதிகாலை பொம்மையார்பாளையம் பகுதியில் தீவிர வாகன சோதனையில் ஈடுபட்டனர்.
அப்போது அந்த வழியாக புதுச்சேரி மார்க்கத்தில் இருந்து வேகமாக வந்த ஒரு காரை போலீசார் சந்தேகத்தின்பேரில் வழிமறித்து சோதனை செய்ததில் அந்த காரினுள் 1, 128 மதுபாட்டில்கள் இருந்தது கண்டுபிடிக்கப்பட்டது.
2 பேர் கைது
இதையடுத்து காரில் வந்த 2 பேரை பிடித்து போலீசார் விசாரணை நடத்தியதில் அவர்கள் இருவரும் மரக்காணம் தாலுகா கந்தாடு கிராமத்தை சேர்ந்த சுடர்வண்ணன் (வயது 33) , சதீஷ் (33) என்பதும், இவர்கள் இருவரும் புதுச்சேரியில் இருந்து மரக்காணம் பகுதிக்கு மதுபாட்டில்களை காரில் கடத்தி வந்ததும் தெரியவந்தது.
இதனை தொடர்ந்து சுடர்வண்ணன், சதீஷ் ஆகிய இருவரையும் போலீசார் கைது செய்து அவர்களிடமிருந்த ரூ.1.50 லட்சம் மதிப்புள்ள மதுபாட்டில்களையும், கடத்தலுக்கு பயன்படுத்தப்பட்ட ரூ.5 லட்சம் மதிப்புள்ள காரையும் பறிமுதல் செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
