போலீஸ் சி.ஐ.டி. எனக்கூறி போலீஸ்காரரிடம் பணம் கேட்டு மிரட்டியவர் கைது

தர்மபுரி:

தர்மபுரி டவுன் போலீஸ் நிலையத்தில் போலீஸ்காரராக பணிபுரிந்து வருபவர் பாக்யராஜ். இவர் நேற்று ராஜகோபால் பூங்கா அருகே சென்று கொண்டிருந்தார். அப்போது அவரை வழிமறித்த ஒருவர் நான் போலீஸ் சி.ஐ.டி. என்று கூறி ரூ.200 கொடுங்கள் என கேட்டு மிரட்டி உள்ளார். இதனால் அவர் ரோந்து பணியில் ஈடுபட்டிருந்த மற்றொரு போலீஸ்காரர் உதவியுடன் அந்த நபரை பிடித்து தர்மபுரி டவுன் போலீஸ் நிலையத்திற்கு அழைத்து சென்று விசாரணை நடத்தினனர். அப்போது அந்த நபர் அரூர் அருகே உள்ள மருதிபட்டியை சேர்ந்த தம்பிதுரை (வயது 35) என தெரியவந்தது.  இதையடுத்து அவரை போலீசார் கைது செய்தனர்.