<
உள்ளாட்சித் தேர்தல் நெருங்கி வரும் நிலையில் ஊரப்பாக்கத்தில் 7 நாட்டு வெடிகுண்டுகள் பறிமுதல்; 2 பேர் கைது
உள்ளாட்சித் தேர்தல் நெருங்கி வரும் நிலையில் ஊரப்பாக்கத்தில் வீட்டில் பதுக்கி வைத்த 7 நாட்டு வெடிகுண்டுகள் பறிமுதல் செய்யப்பட்டு 2 பேர் கைது செய்யப்பட்டனர்.
வண்டலூர்,
செங்கல்பட்டு மாவட்டம் ஊரப்பாக்கம் பாடசாலை தெருவில் உள்ள ஒரு வீட்டில் கஞ்சா பதுக்கி வைத்து இருப்பதாக கூடுவாஞ்சேரி போலீசாருக்கு ரகசிய தகவல் கிடைத்தது. இதனையடுத்து கூடுவாஞ்சேரி போலீசார் சம்பவ இடத்திற்கு விரைந்து சென்று பார்த்தபோது, அந்த வீட்டில் 2 கிலோ 200 கிராம் கஞ்சா பொட்டலங்கள் இருப்பது தெரியவந்தது.
இதனையடுத்து வீடு முழுவதும் போலீசார் அதிரடியாக சோதனையிட்டனர். அங்கு 7 நாட்டு வெடிகுண்டுகள் இருப்பதை கண்டு போலீசார் அதிர்ச்சி அடைந்தனர்.
இதனையடுத்து வீட்டிலிருந்த அஷ்வந்த் (வயது 28), உஷா (55) ஆகிய 2 பேரையும் போலீசார் கைது செய்து விசாரித்து வருகின்றனர்.
அவர்களிடமிருந்து, 7 நாட்டு வெடிகுண்டுகள், ஒரு பட்டா கத்தியை போலீசார் பறிமுதல் செய்தனர். இது குறித்து கூடுவாஞ்சேரி போலீசார் வழக்குப்பதிவு செய்து இந்த வழக்கில் தலைமறைவாக உள்ள சதீஷ், அரவிந்த் ஆகிய 2 பேரையும் வலைவீசி தனிப்படை போலீசார் தேடி வருகின்றனர்.
ஊரப்பாக்கத்தில் உள்ளாட்சித் தேர்தல் நடைபெறும் நிலையில் 7 நாட்டு வெடிகுண்டுகள் கைப்பற்றப்பட்டு உள்ளதால் அப்பகுதியில் தேர்தலில் போட்டியிடும் வேட்பாளர்கள் இடையே பெரும் பதற்றத்தை ஏற்படுத்தியுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
