கொரோனாவுக்கு 3 பேர் பலி

தினத்தந்தி 6 Oct 2021 11:35 PM IST (Updated: 6 Oct 2021 11:35 PM IST)

கொரோனாவுக்கு 3 பேர் பலி. 70 பேர் பாதிக்கப்பட்டனர்

திருப்பூர்

தமிழகத்தில் கொரோனா தடுப்பு மற்றும் முன்னெச்சரிக்கை நடவடிக்கைகள் தீவிரப்படுத்தப்பட்டு வருகிறது. இருப்பினும் ஒரு சில மாவட்டங்களில் கொரோனா தொற்று அதிகரித்துள்ளது. இந்த மாவட்டங்களில் ஒரு சில கட்டுப்பாடுகளை தமிழக அரசு விதித்துள்ளது. இந்நிலையில் நேற்று தமிழகத்தில் 1,432 பேருக்கு கொரோனா தொற்று உறுதி செய்யப்பட்டது. இதில் திருப்பூர் மாவட்டத்தில் 70 பேருக்கு தொற்று உறுதி செய்யப்பட்டது.

இதனால் மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 93 ஆயிரத்து 501-ஆக உள்ளது. இதுபோல் கொரோனாவுக்கு சிகிச்சை பெற்று வந்த 84 பேர் குணமடைந்து வீடு திரும்பினர். இதனால் குணமடைந்தவர்களின் எண்ணிக்கை 91 ஆயிரத்து 702-ஆக உள்ளது. தற்போது மாவட்டம் முழுவதும் கொரோனாவால் பாதிக்கப்பட்ட 839 பேர் சிகிச்சை பெற்று வருகிறார்கள். இதற்கிடையே கொரோனாவுக்கு நேற்று மாவட்டத்தின் பல்வேறு பகுதிகளை சேர்ந்த 3 பேர் பலியாகினர். இதனால் பலி எண்ணிக்கை 960-ஆக உள்ளது.