<
பணகுடி அருேக, கார் மோதி மோட்டார் சைக்கிளில் சென்ற கண்டக்டர் பலி
மோட்டார் சைக்கிளில் சென்ற கண்டக்டர் பலி
பணகுடி:
பணகுடி அருகே, கார் மோதி மோட்டார் சைக்கிளில் சென்ற அரசு பஸ் கண்டக்டர் சம்பவ இடத்திலேயே பலியானார்.
பஸ் கண்டக்டர்
நெல்லை மாவட்டம் பணகுடி நெருஞ்சி காலனியை சேர்ந்தவர் அரவலை மகன் சுப்பிரமணியன் (வயது 57). இவர் அரசு போக்குவரத்துக் கழகத்தில் கண்டக்டராக பணியாற்றி வந்தார். இவருக்கு மனைவி, ஒரு மகள், ஒரு மகன் உள்ளனர். மகளுக்கு திருமணமாகி விட்டது.
நேற்று இவர் பணி முடிந்து வள்ளியூரில் இருந்து தன்னுடைய மோட்டார் சைக்கிளில் மதியம் 12.30 மணி அளவில் தெற்கு வள்ளியூர் விலக்கு அருகே வந்து கொண்டிருந்தார்.
விபத்தில் பலி
அப்போது பின்னால் இருந்து வந்த கார் சுப்பிரமணியன் மீது மோதியது. இதில் மோட்டார் சைக்கிளில் இருந்து தூக்கி வீசப்பட்ட அவர் பலத்த காயம் அடைந்து ரத்த வெள்ளத்தில் சம்பவ இடத்திலேயே இறந்து போனார்.
இதுபற்றி தகவல் அறிந்ததும் பணகுடி போலீஸ் இன்ஸ்பெக்டர் சகாய சாந்தி விசாரணை நடத்தி வழக்குப்பதிவு செய்தார். சுப்பிரமணியன் உடலை போலீசார் மீட்டு ஆசாரிபள்ளம் அரசு மருத்துவக்கல்லூரி மருத்துவமனைக்கு அனுப்பி வைத்தனர்.
காரை ஓட்டி வந்த மேலப்பாளையம் முகமது காசீம் மகன் முகமது பஷீர் (29) என்பவரை போலீசார் கைது செய்து விசாரணை நடத்தி வருகின்றனர்.
.............
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
