குலசேகரன்பட்டினம் அருகே மொபட் மோதியதில் பெண் மீன்வியாபாரி பலி

குலசேகரன்பட்டினம் அருகேயுள்ள மணப்பாடு ராஜா  தெருவைச் சேர்ந்தவர் பொல்வி (வயது 75). இவர் ஊர், ஊராக சென்று மீன் வியாபாரம் செய்து வருபவர். கடந்த 6-ம்தேதி காலையில் வழக்கம் போல் மீன் வியாபாரத்திற்கு சென்று விட்டு வீட்டிற்கு குலசேகரன்பட்டினம் ரோட்டில் நடந்து வந்து கொண்டிருந்தார். அப்போது பின்னால் வந்த மொபட் மோதியதில் தூக்கி வீசப்பட்ட அவர் படுகாமடைந்தார். அக்கம் பக்கத்தினர் அவரை மீட்டு திருச்செந்தூர் அரசு மருத்துவமனைக்கு அனுப்பி வைத்தனர். அங்கு சிகிச்சை பலனின்றி உயிரிழந்தார். இதுகுறித்து பொல்வி மகன் சிலுவை அளித்த புகாரின் பேரில் குலசேகரன்பட்டினம் இன்ஸ்பெக்டர் மங்கையர்கரசி,  மொபட்டை ஓட்டி வந்த நாகர்கோவில் புத்தேரி குமாரபுரத்தைச் சேர்ந்த ஞானராஜ் மனைவி சோபனா (32) என்பவர் மீது வழக்கு பதிவு செய்து விசாரணை நடத்தி வருகிறார்.