<
மோட்டார் சைக்கிள் மீது லாரி மோதல்: திருமணம் நிச்சயிக்கப்பட்ட பெண் சாவு
மோட்டார் சைக்கிள் மீது லாரி மோதியதில் திருமணம் நிச்சயிக்கப்பட்ட பெண் பரிதாபமாக உயிரிழந்தார்.
புதுச்சேரி, அக்.
மோட்டார் சைக்கிள் மீது லாரி மோதியதில் திருமணம் நிச்சயிக்கப்பட்ட பெண் பரிதாபமாக உயிரிழந்தார்.
புதுப்பெண்
புதுவை தவளக்குப்பம் இடையார்பாளையம் மாரியம்மன் கோவில் தெருவை சேர்ந்தவர் சுப்பிரமணி. இவரது மகள் கீர்த்தனா என்கிற அங்காளபரமேஸ்வரி (வயது 21). பட்டதாரி. இவருக்கு கிருமாம்பாக்கம் அருகே உள்ள ஈச்சங்காட்டை சேர்ந்த டிராவல்ஸ் நிறுவனம் நடத்தி வரும் சபரி என்ற சபரிநாதனுக்கும் திருமணம் நிச்சயிக்கப்பட்டது.
இந்தநிலையில் கீர்த்தனா மேற்படிப்பு படிப்பதற்காக புதுச்சேரி பல்கலைக்கழகத்தில் விண்ணப்பித்து இருந்தார். இதற்கான நுழைவுத் தேர்வு எழுத ஹால் டிக்கெட் வாங்குவதற்காக நேற்று காலை கீர்த்தனா சபரிநாதனுடன் மோட்டார் சைக்கிளில் பல்கலைக்கழகத்திற்கு சென்றார்.
லாரி சக்கரத்தில் சிக்கினார்
புதுச்சேரி - கடலூர் சாலையில் மரப்பாலம் சந்திப்பு அருகே அந்த வழியாக வந்த லாரி எதிர்பாராதவிதமாக சபரிநாதன் ஓட்டிச்சென்ற மோட்டார் சைக்கிள் மீது மோதியது.
இதில் நிலைதடுமாறி கீழே விழுந்த கீர்த்தனாவின் மீது லாரியின் பின்பக்க சக்கரம் ஏறியதில் அவரது தலை மற்றும் உடலில் பலத்த காயம் ஏற்பட்டது. உடனே அருகில் இருந்தவர்கள், அவரை மீட்டு சிகிச்சைக்காக அரசு ஆஸ்பத்திரிக்கு கொண்டு சென்றனர்.
அங்கு அவருக்கு தீவிர சிகிச்சை அளிக்கபட்டு வந்தது. ஆனால் சிறிது நேரத்தில் கீர்த்தனா சிகிச்சை பலனின்றி பரிதாபமாக உயிரிழந்தார். சபரிநாதன் காயம் எதுவும் இல்லாமல் அதிர்ஷ்டவசமாக உயிர்தப்பினார்.
சோகம்
இந்த விபத்து குறித்து போக்குவரத்து போலீஸ் சப்-இன்ஸ்பெக்டர் தனசேகரன், உதவி சப்-இன்ஸ்பெக்டர் வீரமுத்து மற்றும் போலீசார் வழக்குப்பதிவு செய்து விசாரணை நடத்தி வருகின்றனர்.
திருமணம் நிச்சயிக்கப்பட்ட இளம்பெண் விபத்தில் பலியான சம்பவம் இடையர்பாளையம் பகுதியில் சோகத்தை ஏற்படுத்தியுள்ளது.
_____
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
