சேலம் மாவட்டத்தில் 45 பேருக்கு கொரோனா பாதிப்பு

சேலம்:

சேலம் மாவட்டத்தில் நேற்றுமுன்தினம் கொரோனாவுக்கு 46 பேர் பாதிக்கப்பட்டனர். இந்த நிலையில் நேற்று 45 பேருக்கு கொரோனா தொற்று ஏற்பட்டுள்ளது. சேலம் மாநகராட்சிக்குட்பட்ட பகுதிகளில் 11 பேர், சேலம் ஒன்றியத்தில் 21 பேர், ஆத்தூர் பகுதியில் 9 பேர், மேட்டூர் நகராட்சி பகுதியில் 3 பேரும் கொரோனாவால் பாதிக்கப்பட்டனர். மேலும் நாமக்கல்லில் இருந்து சேலம் வந்த ஒருவருக்கும் கொரோனா ஏற்பட்டுள்ளது. இவர்கள் ஆஸ்பத்திரிகளில் அனுமதிக்கப்பட்டு சிகிச்சை பெற்று வருகின்றனர். மேலும் கொரோனாவுக்கு சிகிச்சை பெற்று வந்த 62 பேர் குணமடைந்துவிட்டதால் அவர்கள் டிஸ்சார்ஜ் செய்யப்பட்டனர். மாவட்டத்தில் இதுவரை கொரோனாவுக்கு 98 ஆயிரத்து 580 பேர் பாதிக்கப்பட்டுள்ளனர் என்பது குறிப்பிடத்தக்கது.