தினத்தந்தி புகார் பெட்டி

 தடுப்புச்சுவர் கட்டப்படுமா?

பாபநாசத்தை அடுத்த ராஜகிரியில் தேவரடியார் குளத்தின் கரையோர பகுதியில் மண் அரிப்பு ஏற்பட்டு உள்ளது. இந்த சாலை வழியாக தினமும் ஏராளமான இருசக்கர மற்றும் கனரக வாகனங்கள் சென்று வருகின்றன. தற்போது குளத்தின் கரையில் தடுப்புச்சுவர் இல்லாததால் வாகன ஓட்டிகள் அச்சத்துடன் இந்த பகுதியை கடந்து சென்று வருகின்றனர். மேலும் சில நேரங்களில் வாகன ஓட்டிகள் குளத்தில் தவறி விழுந்து விபத்து ஏற்பட்டு விடுகிறது. எனவே சம்பந்தப்பட்ட அதிகாரிகள் உடனடி நடவடிக்கையாக குளத்தின் கரையில் ஏற்பட்டுள்ள மண் அரிப்பை சீரமைத்து தடுப்புச்சுவர் கட்டிதர வேண்டும் என்று அந்த பகுதி மக்கள் கோரிக்கை விடுத்துள்ளனர்.            -முகமது இக்பால், ராஜகிரி.