தினத்தந்தி புகார் பெட்டி

பூங்கா சீரமைக்கப்படுமா?

தஞ்சாவூர் மாவட்டம் பாபநாசம் வட்டம் பசுபதிகோவில் கிராமத்தில் பொதுமக்கள் வசதிக்காக அம்மா பூங்கா அமைக்கப்பட்டது. இந்த பூங்காவில் தினமும் நூற்றுக்கும் மேற்பட்டவர்கள் நடைபயிற்சி சென்று வந்தனர்.மேலும், முதியவர்கள், குழந்தைகள் என அனைத்து தரப்பினரும் பூங்காவை பயன்படுத்தி வந்தனர். இந்த நிலையில் தற்போது அம்மா பூங்கா பராமரிப்பின்றி புற்கள் முளைத்து புதர்மண்டி கிடக்கின்றன. மேலும்  பூங்காவில் அமைக்கப்பட்டிருந்த உடற்பயிற்சி நிலையம் பழுதடைந்து உள்ளன. இதனால், அந்த பகுதி மக்கள் உடற்பயிற்சி, நடைபயிற்சி செய்ய பூங்காவை பயன்படுத்த முடியாத சூழல் ஏற்பட்டுள்ளது.எனவே, சம்பந்தப்பட்ட அதிகாரிகள் பராமரிப்பின்றி கிடக்கும் அம்மா பூங்காவை சீரமைத்து தர வேண்டும் என்பதே பொதுமக்களின் கோரிக்கையாகும்.                    -முத்து, பசுபதிகோவில்.