ஆட்கொல்லி புலியின் உடல் நிலை நன்றாக உள்ளது

தினத்தந்தி 16 Oct 2021 7:54 PM IST (Updated: 16 Oct 2021 7:54 PM IST)

Text Size

ஆட்கொல்லி புலியின் உடல் நிலை நன்றாக உள்ளது

ஊட்டி

மயக்க ஊசி செலுத்தி பிடிக்கப்பட்ட ஆட்கொல்லி புலியின் உடல்நிலை நன்றாக உள்ளது என்று வனத்துறை அதிகாரிகள் தெரிவித்தனர்.

ஆட்கொல்லி புலி

நீலகிரி மாவட்டம் கூடலூர் மற்றும் மசினகுடி பகுதிகளில் ஆட்கொல்லி புலி 4 பேரை கொன்றது.

கடந்த 24-ந் தேதி தனியார் தேயிலை எஸ்டேட் டில் கால்நடை மேய்ச்சலில் ஈடுபட்ட சந்திரன் என்பவரை புலி அடித்து கொன்றது. இதனால் ஆட்கொல்லி புலியை பிடிக்க வனத்துறையினர் கூண்டுகள் வைத்தனர்.

இதையடுத்து புலியின் நடமாட்டத்தை கண்காணிக்க கேமராக்கள் பொருத்தப்பட்டன. அங்கிருந்து புலி இடம் பெயர்ந்து மசினகுடிக்கு வந்தது.

அங்கு வனத்துறையினர் முகாமிட்டு தேடுதல் வேட்டையில் ஈடுபட்டனர். ஆட்கொல்லி புலி மீண்டும் இடம்பெயர்ந்து ஓம்பெட்டா வனப்பகுதிக்கு சென்றது.

மயக்கஊசி செலுத்தினர்

இதனால் 21 நாட்களாக வனத்துறையினர் புலியை பிடிக்கும் பணியில் ஈடுபட்டனர். நேற்று முன்தினம் கார்குடி பகுதியில் புலி சாலையை கடந்த போது, வனத்துறையினர் மயக்க ஊசி செலுத்தினர். ஆனாலும் புலி புதருக்குள் சென்று மறைந்தது.

இதைத்தொடர்ந்து மசினகுடி பகுதியில் ஆட்கொல்லி புலி நடமாட்டத்தை கண்காணித்து, யானை மீது அமர்ந்து கால்நடை மருத்துவர்கள் மயக்க ஊசி செலுத்தினர்.

இதனால் சிறிது நேரத்தில் புலி மயங்கியது. உடனே அதை வனத்துறையினர் சுற்றி வளைத்து பிடித்து இரும்புக் கூண்டில் அடைத்து வாகனத்தில் ஏற்றினர்.

மைசூருவில் சிகிச்சை

புலியின் உடலில் காயங்கள் இருந்ததாலும், உடல்நிலை சோர்வாக இருந் தாலும் உடனடியாக சிகிச்சை தேவைப்பட்டது.

இதை கருத்தில் கொண்டு ஆட்கொல்லிபுலி கர்நாடகா மாநிலம் மைசூருவில் உள்ள வனவிலங்கு புத்துணர்வு மையத்திற்கு நள்ளிரவில் மினி லாரியில் கொண்டு செல்லப்பட் டது.

அங்கு கூண்டில் உள்ள புலிக்கு சிகிச்சை அளிக்கப்பட்டு வருகிறது. தற்போது ஆண் புலியின் உடல்நிலையில் முன்னேற்றம் ஏற்பட்டு உள்ளது.

இது குறித்து வனத்துறை அதிகாரிகள் கூறும்போது, மயக்க ஊசி செலுத்தி பிடிக்கப்பட்ட T23 புலி மைசூரு உயிரியல் பூங்காவிற்கு கொண்டு செல்லப்பட்டு கண்காணிக்கப்பட்டு வருகிறது. தற்போது புலி மயக்கம் தெளிந்து உள்ளது. கூண்டுக்குள் உறுமியபடி புலி உள்ளது.

உயிரியல் பூங்காவில் புத்துணர்வு மைய கால்நடை டாக்டர்கள் புலியின் உடலில் பல்வேறு பகுதிகளில் உள்ள காயங்களுக்கு சிகிச்சை அளித்து வருகின்றனர். ஹீமோகுளோபின் குறைபாடு மற்றும் ரத்த சோகையால் புலி சோர்வுடன் உள்ளது. ஆனால் இறைச்சியை உண்ண தொடங்கி நல்ல நிலையில் இருக்கிறது என்றனர்.

தினத்தந்தி

Related Tags :