சாலை விபத்தில் படுகாயமடைந்த வாலிபர் சாவு


பெரம்பலூர்
x
பெரம்பலூர்
தினத்தந்தி 17 Oct 2021 12:54 AM IST (Updated: 17 Oct 2021 12:54 AM IST)
t-max-icont-min-icon

சாலை விபத்தில் படுகாயமடைந்த வாலிபர் உயிரிழந்தார்.

பாடாலூர்
சென்னை- திருச்சி தேசிய நெடுஞ்சாலையில் பெரம்பலூர் மாவட்டம் திருவளக்குறிச்சி பிரிவு சாலை அருகே கடந்த ஆகஸ்டு மாதம் 23-ந் தேதி மதியம் சுமார் 25 வயதுடைய ஆண் ஒருவர் நடந்து சென்றார். அப்போது அந்த நபர் மீது அடையாளம் தெரியாத வாகனம் மோதியதில், அவர் படுகாயமடைந்தார். இதுகுறித்து தகவலறிந்த பாடாலூர் போலீசார் படுகாயமடைந்தவரை மீட்டு சிகிச்சைக்காக பெரம்பலூர் அரசு மருத்துவமனையில் சேர்த்தனர். பின்னர் மேல் சிகிச்சைக்காக திருச்சி அரசு மருத்துவமனையில் அனுமதிக்கப்பட்ட அவர் சிகிச்சை பலனின்றி உயிரிழந்தார். இதையடுத்து அவரது உடல் பிரேத பரிசோதனைக்காக திருச்சி அரசு மருத்துவமனை பிரேத கூடத்தில் வைக்கப்பட்டுள்ளது. இது தொடர்பாக பாடாலூர் போலீசார் வழக்குப்பதிவு செய்து, இறந்தவர் யார்?, எந்த ஊரைச் சேர்ந்தவர்? என்பது குறித்தும், விபத்தை ஏற்படுத்திய வாகனம் எது?, அதனை ஓட்டி வந்தவர் யார்? என்பது குறித்தும் தொடர்ந்து விசாரணை நடத்தி வருகின்றனர்.

Next Story