<
விவசாயிகள் தட்கல் முறையில் மின் இணைப்பிற்கு விண்ணப்பிக்கலாம்.
விவசாயிகள் தட்கல் முறையில் மின் இணைப்பிற்கு விண்ணப்பிக்கலாம்
திருப்பத்தூர்
திருப்பத்தூர் மின் பகிர்மான மேற்பார்வை பொறியாளர் எஸ்.வேல்முருகன் வெளியிட்டுள்ள செய்தி குறிப்பில் கூறியிருப்பதாவது:-
திருப்பத்தூர் மின் பகிர்மான வட்டத்தில் திருப்பத்தூர், வாணியம்பாடி, பள்ளிகொண்டா மற்றும் குடியாத்தம் கோட்டத்தைச் சேர்ந்த அனைத்து விவசாயிகளும் விரைவு (தட்கல்) சுயநிதி திட்டத்தின் கீழ் விவசாய மின் இணைப்பு வேண்டுபவர்கள் விருப்ப மனு அளிக்கலாம்.
கீழ்கண்ட மின்பழுவிற்கேற்ப, முன்னரே பதிவு செய்தவர்களும், இன்றைய தேதியில் புதிய மின் இணைப்பு வேண்டி விண்ணப்பிப்போரும் மனுவுடன் உரிய தொகையினை வரைவு காசோலை மூலம் சம்பந்தப்பட்ட செயற்பொறியாளர் அலுவலகத்தில் செலுத்தலாம்.
5 எச்.பி.வரை ரூ.2½ லட்சம், 5 முதல் 7.5 எச்.பி. வரை ரூ.2¾ லட்சம், 7.5-க்கு மேல் 10 எச்.பி.வரை ரூ.3 லட்சம், 10-க்கு மேல் 15 எச்.பி.வரை ரூ.4 லட்சம். மேலும், விவரங்களுக்கு சம்பந்தப்பட்ட செயற் பொறியாளர் அலுவலகத்தை அணுகலாம்.
இவ்வாறு அதில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
