<
காட்பாடியில் ரெயிலில் கடத்திய 500 கிலோ ரேஷன் அரிசி பறிமுதல்
ரெயிலில் கடத்திய 500 கிலோ ரேஷன் அரிசி பறிமுதல்
காட்பாடி
காட்பாடி வழியாக செல்லும் ரெயிலில் ரேஷன் அரிசி கடத்தப்படுவதாக காட்பாடி ரெயில்வே பாதுகாப்பு படை போலீசார் மற்றும் வேலூர் பறக்கும்படை தனி தாசில்தார் கோட்டீஸ்வரன் ஆகியோருக்கு நேற்று தகவல் வந்தது. அதன்பேரில் அவர்கள் நேற்று மாலை காட்பாடி ரெயில் நிலையம் வந்த லால்பாக் எக்ஸ்பிரஸ் ரெயில் பெட்டிகளில் ஏறி சோதனை நடத்தினர்.
இதில் பயணிகளின் இருக்கைகளின் கீழே சிறு, சிறு மூட்டைகளாக 500 கிலோ ரேஷன் அரிசி இருந்தது கண்டுபிடிக்கப்பட்டது. அவற்றை போலீசார் மற்றும் வருவாய்த் துறையினர் கைப்பற்றி திருவலம் நுகர்பொருள் வாணிப கிடங்கில் ஒப்படைத்தனர்.
இதேபோல் வேலூர் வேலப்பாடி பகுதியில் கேட்பாரற்று கிடந்த 200 கிலோ ரேஷன் அரிசியை வருவாய்த்துறை அதிகாரிகள் பறிமுதல் செய்து பாகாயம் நுகர்பொருள் வாணிபக் கிடங்கில் ஒப்படைத்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
