<
தாராசுரம் ஐராவதீஸ்வரர் கோவிலை புதுப்பித்து குடமுழுக்கு நடத்த வேண்டும்
தாராசுரம் ஐராவதீஸ்வரர் கோவிலை புதுப்பித்து குடமுழுக்கு நடத்த வேண்டும் என பக்தர்கள் கோரிக்கை விடுத்துள்ளனர்.
கும்பகோணம்:
தாராசுரம் ஐராவதீஸ்வரர் கோவிலை புதுப்பித்து குடமுழுக்கு நடத்த வேண்டும் என பக்தர்கள் கோரிக்கை விடுத்துள்ளனர்.
ஐராவதீஸ்வரர் கோவில்
தஞ்சை மாவட்டம் கும்பகோணத்தை அடுத்த தாராசுரம் ஐராவதீஸ்வரர் கோவில் ராஜேந்திரசோழனால் கட்டப்பட்டதாகும். இந்த கோவிலில் சிவன் சன்னதி, தெய்வநாயகி அம்பாள், சரபேஸ்வரர், தட்சிணாமூர்த்தி, சண்டிகேஸ்வரர், குபேரலிங்கம், துர்கை ஆகிய சன்னதிகள் உள்ளன. இந்த கோவிலில் 4 பிரகாரங்கள், அம்மன் சன்னதி, நந்திமண்டபம் 1008 சிற்பங்கள் மற்றும் கோவில் வளாகம் முழுவதும் கலைநுனுக்க வேலைபாடுகளுடன் கொண்ட சிலைகள் உள்ளன.
கலைத்திறன்
இந்த கோவிலுக்கு தினமும் 500-க்கும் மேற்பட்ட சுற்றுலா பயணிகள் வெளிநாடுகள், வெளிமாநிலங்கள், வெளிமாவட்டங்களில் இருந்து வந்து செல்வார்கள். கோவிலுக்கு வரும் வெளிநாடு, வெளிமாநில சுற்றுலா பயணிகள், கோவிலில் உள்ள கலைத்திறன்களை கண்டு ரசித்து செல்வார்கள். இந்த கோவிலை தொல்லியியல்துறையினர் பராமரித்து வருகிறார்கள்.
குடமுழுக்கு
தாராசுரம் ஐராவதீஸ்வரர் கோவிலில் கடந்த 2004-ம் ஆண்டு ஆகஸ்டு மாதம் 22-ந்் தேதி குடமுழுக்கு நடைபெற்றது. இந்த கோவிலில் குடமுழுக்கு நடைபெற்று 17 ஆண்டுகள் நிறைவடைந்துள்ளது. பொதுவாக கோவில்களில் 12 ஆண்டுக்கு ஒரு முறை குடமுழுக்கு செய்வது ஆகம விதி. ஆனால் 17 ஆண்டுகள் முடிவடைந்த நிலையில் குடமுழுக்கு நடத்தப்படாமல் உள்ளது. எனவே தாராசுரம் ஐராவதீஸ்வரர் கோவிலை புதுப்பித்து குடமுழுக்கு நடத்த வேண்டும் என பக்தர்கள் கோரிக்கை விடுத்துள்ளனர்.
இதுகுறித்து கோவில் இறைவழிபாடு மன்ற செயலாளர் பாலசுப்பிரமணியன் கூறுகையில்,
தாராசுரம் ஐராவதீஸ்வரர் கோவில் குடமுழுக்கு விழா நடைபெற்று 17 ஆண்டுகள் ஆகின்றன. 12 ஆண்டுக்கு ஒருமுறை குடமுழுக்கு விழா நடத்த வேண்டும் என்பது ஆகம விதி. எனவே தாராசுரம் ஐராவதீஸ்வரர் கோவிலை புதுப்பித்து உடனடியாக குடமுழுக்கு நடத்த வேண்டும்.
அருங்காட்சியகத்தில் சிலைகள்
குடமுழுக்கிற்கு முன்பு மத்திய அரசின் அனுமதியுடன், இந்த கோவிலுக்கென ஆகம முறைப்படி செய்யப்பட்ட பாதுகாப்பிற்காக சென்ற சிலைகள் தஞ்சை சரஸ்வதி மகால் அருங்காட்சியகத்தில் உள்ளது. மேலும் மத்திய அரசால் பாதுகாப்பிற்காக எடுத்து சென்ற ஆகம கற்சிலைகள் எல்லாம் மிகவும் சேதமடைந்துள்ளது.
அந்த சிலைகள் எல்லாம் வழிபாட்டிற்கு உகந்தது அல்ல. அந்த சிலைகளை புதுப்பித்து திரும்ப இந்த கோவிலுக்கு கொண்டு வரவேண்டும். இந்த கோவிலின் முன்பு நர்த்தன விநாயகர் சிலை சேதமடைந்ததால், அந்த சிலை எடுத்து கோவில் வளாகத்தில் வைக்கப்பட்டுள்ளது. ஆகம முறைப்படி விநாயகர் சிலை புதுப்பித்து வைக்கப்பட வேண்டும். இதுகுறித்து இந்து சமய அறநிலையத்துறை அமைச்சர் சேகர்பாபுவுக்கு மனு கொடுக்கப்பட்டுள்ளது என்றார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
