<
பழனி அருகே குளத்தில் மிதந்த வாலிபர் பிணம்
பழனி அருகே குளத்தில் அடையாளம் தெரியாத வாலிபர் பிணம் மிதந்தது.
பழனி:
பழனி-கோதைமங்கலம் சாலையோரத்தில் சிறுநாயக்கன்குளம் உள்ளது. இந்த குளத்தில் நேற்று 35 வயது மதிக்கத்தக்க வாலிபர் பிணமாக மிதந்தார். இதைக்கண்ட அப்பகுதி விவசாயிகள், பழனி டவுன் போலீசுக்கு தகவல் கொடுத்தனர். அதன்பேரில் போலீசார் சம்பவ இடத்துக்கு விரைந்து சென்றனர்.
பின்னர் பழனி தீயணைப்பு படையினர் உதவியுடன் குளத்தில் மிதந்த வாலிபர் பிணத்தை போலீசார் கைப்பற்றி, பிரேத பரிசோதனைக்காக பழனி அரசு மருத்துவமனைக்கு அனுப்பினர். அந்த வாலிபர் உடல் அழுகிய நிலையில் இருந்ததால் அடையாளம் காணமுடியவில்லை.
இதுகுறித்து போலீசார் வழக்குப்பதிவு செய்து, இறந்து கிடந்தவர் யார்? எந்த ஊரை சேர்ந்தவர்? குளத்துக்கு வந்தபோது தவறி விழுந்து இறந்தாரா, அல்லது வேறு ஏதேனும் காரணமா? என்பது குறித்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
