<
சிவகங்கையில் ஓட, ஓட விரட்டி 3 பேருக்கு வெட்டு ஒருவர் சாவு
சிவகங்கை நகர் போலீஸ் நிலையம் அருகே ஓட ஓட விரட்டி 3 பேரை வாளால் வெட்டிய பயங்கரம் நடந்தது. இதில் ஒருவர் இறந்தார். தம்பிகள் 2 பேர் படுகாயம் அடைந்தனர்.
சிவகங்கை ,
சிவகங்கை நகர் போலீஸ் நிலையம் அருகே ஓட ஓட விரட்டி 3 பேரை வாளால் வெட்டிய பயங்கரம் நடந்தது. இதில் ஒருவர் இறந்தார். தம்பிகள் 2 பேர் படுகாயம் அடைந்தனர்.
பெயிண்டர் கொலை
சிவகங்கை போலீஸ்நிலையம் அருகில் வசிப்பவர் முத்துக்குமார் (வயது40). பெயிண்டரான இவர் நேற்று இரவு அவரது தம்பி திவான் (36), சித்தப்பா மகன் முருகன் (36) ஆகியோருடன் போலீஸ் நிலையம் அருகில் உள்ள ஊருணிக்கு சென்றுள்ளார்.
அப்போது அங்கு வந்த வாலிபர் ஒருவர், திவானை வெட்டினார். இதைப்பார்த்த சகோரர்களான முத்துக்குமாரும், முருகனும் அவரை தடுக்க முயன்றார்கள். அப்போது அந்த வாலிபர் அவர்களையும் ஓட, ஓட விரட்டி வாளால் வெட்டினார். இதில் முத்துக்குமார் சம்பவ இடத்திலேயே பரிதாபமாக உயிரிழந்தார். மற்ற 2 பேரும் படுகாயம் அடைந்தனர்.
விசாரணை
இதுகுறித்து தகவல் அறிந்த மாவட்ட போலீஸ் சூப்பிரண்டு செந்தில்குமார், துணை சூப்பிரண்டு பால்பாண்டி மற்றும் போலீசார் விரைந்து வந்து படுகாயம் அடைந்த 2 பேரையும் சிவகங்கை மருத்துவக் கல்லூரி மருத்துவமனையில் சிகிச்சைக்கு சேர்த்தனர்.
முத்துக்குமாரின் உடலை பிரேத பரிசோதனைக்கு அனுப்பி வைத்து, இதுதொடர்பாக போலீசார் வழக்குப்பதிந்து விசாரணை நடத்தி கொலையாளியை தேடிவருகின்றனர். இந்த சம்பவத்தினால் அந்த பகுதியில் பதற்றம் நிலவுகிறது. போலீசார் குவிக்கப்பட்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
