புகார் பெட்டிக்கு வந்த மக்கள் குறைகள் தொடர்பான பதிவுகள்

‘தினத்தந்தி’ புகார் பெட்டிக்கு வந்த மக்கள் குறைகள் தொடர்பான பதிவுகள் வருமாறு:-
தஞ்சை மாவட்டம் திருவிடைமருதூர் தாலுகா திருப்பனந்தாளை அடுத்த கோணுழாம்பள்ளம் பகுதியில் குரங்குகள் அதிகளவில் சுற்றித்திரிகின்றன. இந்த குரங்குகள் குடியிருப்புகளுக்கு புகுந்து வீடுகளில் உள்ள உணவு பொருட்கள் மற்றும் விலை உயர்ந்த பொருட்களை எடுத்து செல்கின்றன. அதுமட்டுமின்றி வீட்டில் உள்ள பெண்கள், குழந்தைகள் மற்றும் முதியவர்களை அச்சுறுத்தி வருகின்றனர். மேலும், அந்த பகுதியில் உள்ள சாலையில் குரங்குகள் கூட்டமாக அங்கும், இங்கும் ஓடிச்செல்கின்றன. இதனால் வாகனங்களில் வருபவர்கள் அடிக்கடி விபத்துகளில் சிக்கிக்கொள்கின்றனர். எனவே, சம்பந்தப்பட்ட அதிகாரிகள் கோணுழாம்பாள்ளம் பகுதியில் அட்டகாசம் செய்து வரும் குரங்குகளை பிடித்து செல்ல நடவடிக்கை எடுக்க வேண்டும் என்பதே அந்த பகுதி மக்களின் கோரிக்கையாகும்.