இளம்பெண் தற்கொலை வழக்கில் மாமியார் கைது

நாமக்கல்:

நாமக்கல் அருகே உள்ள தூசூரை சேர்ந்தவர் கட்டிட மேஸ்திரி ரஞ்சித்குமார் (வயது 23). இவருடைய மனைவி சிந்துஜா. இவர் கடந்த 27-ந் தேதி தூக்குப்போட்டு தற்கொலை செய்து கொண்டார். இதுதொடர்பாக நாமக்கல் போலீசார் வழக்குப் பதிவு செய்து விசாரணை நடத்தியதில் ரஞ்சித்குமார், சிந்துஜாவை தற்கொலைக்கு தூண்டியது தெரியவந்தது. மேலும் சிந்துஜாவுக்கு 18 வயது பூர்த்தியாகாமல், ரஞ்சித்குமாருடன் திருமணம் நடந்ததும் தெரிந்தது. 

இதைத்தொடர்ந்து ரஞ்சித்குமார் மீது போக்சோ சட்டத்தின் வழக்குப்பதிவு செய்து போலீசார் கைது செய்து இருந்தனர். மேலும் 18 வயது பூர்த்தி அடையாத சிறுமியை திருமணம் செய்து வைத்ததாக ரஞ்சித்குமாரின் தந்தை கருப்பண்ணன் மற்றும் தாய் மணிமேகலை மீது போலீசார் வழக்குப்பதிவு செய்தனர். இந்த நிலையில் தற்கொைல வழக்கில் நேற்று ரஞ்சித்குமாரின் தாய் மணிமேகலையை (44) போலீசார் கைது செய்தனர்.