<
மோட்டார் சைக்கிளில் இருந்து தவறி விழுந்த புதுப்பெண் பலி
நாய் துரத்தியதால் மோட்டார் சைக்கிளில்இருந்து தவறி விழுந்த புதுப்பெண் பரிதாபமாக இறந்தார்.
வெள்ளியணை,
ஜவுளி வாங்க...
அரவக்குறிச்சி தாலுகா வரிக்காபட்டி கிராமம் மாதிரெட்டிபட்டியை சேர்ந்தவர் பழனிவேல். இவருடைய மனைவி லாவண்யா (வயது 21). இவர்களுக்கு கடந்த 2 ஆண்டுகளுக்கு முன்பு திருமணம் நடைபெற்றது.
தீபாவளி பண்டிகையையொட்டி ஜவுளி வாங்குவதற்காக பழனிவேல் தனது மனைவி லாவண்யாவை மோட்டார் சைக்கிளில் அழைத்துக்கொண்டு கரூருக்கு சென்றுள்ளார். பின்னர் ஜவுளி வாங்கிக்கொண்டு அவர்கள் 2 பேரும் கரூர் ஈசநத்தம் சாலையில் வீட்டிற்கு சென்று கொண்டிருந்தனர்.
புதுப்பெண் பலி
பாகநத்தம் அருகே சாலையில் இருந்த நாய் ஒன்று திடீரென்று மோட்டார் சைக்கிளை துரத்திக்கொண்டு ஓடி வந்தது. இதனை கண்டு பீதியடைந்த லாவண்யா மோட்டார் சைக்கிளில் இருந்து எதிர்பாராதவிதமாக கீழே விழுந்துள்ளார். இதில் தலையில் பலத்த காயமடைந்த அவர் சம்பவ இடத்திலேயே பரிதாபமாக இறந்தார்.
இந்த விபத்து குறித்து தகவலறிந்த வெள்ளியணை போலீசார் சம்பவ இடத்திற்கு விரைந்து சென்று லாவண்யாவின் உடலை மீட்டு பிரேத பரிசோதனைக்காக கரூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். மேலும் இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
நாய் துரத்தியதால் மோட்டார் சைக்கிளிலிருந்து தவறி விழுந்து புதுப்பெண் பலியான சம்பவம் அப்பகுதி மக்களிடையே சோகத்தை ஏற்படுத்தி உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
