<
பள்ளிகொண்டா அருகே அரசு பஸ் மோதி விவசாயி பலி
பள்ளிகொண்டா அருகே அரசு பஸ் மோதி விவசாயி பலி
அணைக்கட்டு
பள்ளிகொண்டா அடுத்த வெட்டுவானம் பஜனை கோவில் தெருவைச் சேர்ந்தவர் சதாசிவம் (வயது 56) விவசாயி. இவர் நேற்று காலை நிலத்திற்கு சென்றுவிட்டு சைக்கிளில் காலை 7 மணிக்கு வீடு திரும்பியுள்ளார். வெட்டுவானம் தேசிய நெடுஞ்சாலையை கடக்கும்போது ஓசூரில் இருந்து சென்னையை நோக்கி சென்ற அரசு பஸ் இவர் மீது மோதியது. இதில் தூக்கி வீசப்பட்ட சதாசிவம் சம்பவ இடத்திலேயே ரத்த வெள்ளத்தில் பலியானார்.
தகவல் அறிந்ததும் பள்ளிகொண்டா போலீஸ் இன்ஸ்பெக்டர் சுப்புலட்சுமி மற்றும் போலீசார் சம்பவ இடத்திற்கு சென்று உடலை மீட்டு பிரேத பரிசோதனைக்காக வேலூர் அடுக்கம்பாறை அரசு மருத்துவமனைக்கு அனுப்பி வைத்தனர்.
இதுகுறித்து சதாசிவத்தின் உறவினர்கள் கொடுத்த புகாரின் பேரில் பள்ளிகொண்டா போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
