வாலிபர் மர்ம சாவு

நெல்லை;

பாளையங்கோட்டை கே.டி.சி. நகர் விஜய துர்காபுரி நகரைச் சேர்ந்தவர் செல்லத்துரை. இவர் கேபிள் டி.வி. நடத்தி வருகிறார். இவருடைய மகன் நத்தானியேல் (வயது 21). இவர் நேற்று முன்தினம் தனது நண்பர்களுடன் வெளியே சென்றிருந்தார். பின்னர் நள்ளிரவில் அவரை நண்பர்கள் போதையில் அழைத்து வருவது போன்று, வீட்டுக்கு அழைத்து வந்து படுக்கையில் போட்டுச் சென்றனர்.

இதனால் சந்தேகம் அடைந்த பெற்றோர் நத்தானியேலை எழுப்பி பார்த்தும் முடியவில்லை. உடனடியாக அவரை ஐகிரவுண்டு அரசு ஆஸ்பத்திரிக்கு கொண்டு சென்றனர். ஆனால் அவர் இறந்து விட்டார். நத்தானியேல் மர்மமான முறையில் இறந்தது தொடர்பாக பாளையங்கோட்டை தாலுகா போலீசார் வழக்குப்பதிவு செய்து விசாரணை நடத்தி வருகின்றனர்.