<
2 பேர் கைது
ஆட்டோவில் கஞ்சா கடத்திய 2 பேர் கைது செய்யப்பட்டனர்.
பட்டிவீரன்பட்டி:
திண்டுக்கல்-வத்தலக்குண்டு தேசிய நெடுஞ்சாலையில் பட்டிவீரன்பட்டி அருகே மரியாயிபட்டி என்ற இடத்தில், பட்டிவீரன்பட்டி போலீஸ் சப்-இன்ஸ்பெக்டர் சின்னப்பன் தலைமையிலான போலீசார் வாகன சோதனையில் ஈடுபட்டனர்.
அப்போது அந்த வழியாக ஆட்டோ ஒன்று வந்தது. ஆட்டோவை நிறுத்தி, அதில் பயணம் செய்த 2 பேரிடம் போலீசார் விசாரணை நடத்தினர்.
விசாரணையில் அவர்கள் அய்யன்கோட்டையை சேர்ந்த பிரவீன் (வயது 24), முத்துலாபுரத்தை சேர்ந்த சந்தோஷ் (22) என்று தெரியவந்தது. அவர்கள் 2 பேரும் முன்னுக்குப்பின் முரணாக தகவலை தெரிவித்தனர்.
இதனையடுத்து ஆட்டோவை போலீசார் சோதனை செய்தனர். அதில் 2¼ கிலோ கஞ்சா இருந்தது தெரியவந்தது.
இதுகுறித்து போலீசார் வழக்குப்பதிவு செய்து 2 பேரையும் கைது செய்தனர். மேலும் கஞ்சா, ஆட்டோவை போலீசார் பறிமுதல் செய்தனர்.
பட்டிவீரன்பட்டி பகுதியில் விற்பனை செய்வதற்காக, ஆட்டோவில் கஞ்சாவை கடத்தி சென்றது விசாரணையில் தெரியவந்தது.
-----------
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire