வீட்டின் கேட்டில் மோதி தொழிலாளி சாவு

குருபரப்பள்ளி:

கிருஷ்ணகிரி மாவட்டம் பெத்ததாளப்பள்ளி பாஞ்சாலியூர் பகுதியை சேர்ந்தவர் கனகராஜ் (வயது 45), கூலி தொழிலாளி. இவர் கடந்த 28-ந் தேதி பந்தப்பள்ளி பகுதியில் உள்ள ஒரு வீட்டு முன்பாக சென்றார். அப்போது மதுபோதையில் இருந்த அவர், அந்த வீட்டின் இரும்பு கேட்டில் மோதி விழுந்ததாக தெரிகிறது. இதில் படுகாயம் அடைந்த அவரை மீட்டு சேலம் அரசு ஆஸ்பத்திரியில் சேர்த்தனர். அங்கு சிகிச்சை பலன் அளிக்காமல் பரிதாபமாக இறந்தார். இதுகுறித்து குருபரப்பள்ளி போலீசார் வழக்குப்பதிவு செய்து விசாரணை நடத்தினர்.