தகராறில் 4 பேர் மீது வழக்கு; ஒருவர் கைது

அரியலூர் மாவட்டம், மீன்சுருட்டி அருகே உள்ள வீரசோழபுரம் கீழத் தெருவை சேர்ந்தவர் வினோத்(வயது 20). இவருக்கும், அதே பகுதியைச் சேர்ந்தவர் மதியழகன்(32) என்பவருக்கும் முன்விரோதம் இருந்து வந்ததாக தெரிகிறது. இந்நிலையில் சம்பவத்தன்று அறிவழகனின் மாடு, வினோத்தின் வயலில் மேய்ந்ததாக தெரிகிறது. இதனால் இருவருக்கும் முன்விரோதம் இருந்து வந்ததால் மதியழகன் மற்றும் அவரது அண்ணன் அறிவழகன்(36) ஆகிய இருவரும் சேர்ந்து வினோத்தை தாக்கி கொலை மிரட்டல் விடுத்துள்ளனர்.

இதில் காயம் அடைந்த வினோத் ஜெயங்கொண்டம் அரசு மருத்துவமனையில் சிகிச்சைக்காக சேர்க்கப்பட்டுள்ளார். இதுகுறித்து வினோத் கொடுத்த புகாரின் பேரில் மீன்சுருட்டி போலீஸ் சப்-இன்ஸ்பெக்டர் ரமேஷ் வழக்குப்பதிவு செய்து மதியழகனை கைது செய்து விசாரணை நடத்தி வருகின்றார். மேலும் தலைமறைவான அறிவழகனை தேடி வருகின்றார். மேலும் இதே வழக்கில் அறிவழகன் கொடுத்த புகாரின் பேரில் மீன்சுருட்டி போலீஸ் சப்-இன்ஸ்பெக்டர் ராஜதுரை வழக்குப்பதிவு செய்து விக்னேஷ், தினேஷ் ஆகிய இருவர் மீது வழக்குப்பதிவு செய்து விசாரணை நடத்தி வருகின்றார்.