தினத்தந்தி புகார் பெட்டி

 மழைநீர் வடிகால் வசதி வேண்டும்

தஞ்சை மாவட்டம் புதுப்பட்டி கிராமம் வடக்கு தெருவில் மழைநீர் வடிகால் வசதி இல்லை. இதனால் மழைநீர் வடிந்து செல்ல வழியின்றி வீடுகளுக்குள் புகுந்து விடுகின்றன. மேலும், அங்குள்ள வீடுகளையும் மழைநீர் சூழ்ந்துவிடுகின்றன. இதனால் பொதுமக்கள் மற்றும் வாகன ஓட்டிகள் மிகுந்த சிரமத்துக்கு ஆளாகி வருகின்றனர். அதுமட்டுமின்றி தேங்கி கிடக்கும் மழைநீரில் கொசுக்கள் உற்பத்தியாகி சுகாதார சீர்கேடு ஏற்பட்டு நோய் தொற்று ஏற்படும் அபாயம் உள்ளது. தேங்கி கிடக்கும் நீரில் இருந்து விஷப்பூச்சிகள் வீடுகளுக்குள் புகுந்து விடுகின்றன. இதனால் பெண்கள், குழந்தைகள் மிகுந்த அச்சத்துடன் காணப்படுகின்றனர். எனவே, பொதுமக்கள் நலன் கருதி மேற்கண்ட பகுதியில் மழைநீர் வடிகால் வசதி செய்துதர வேண்டும் என்பதே அந்த பகுதி மக்களின் கோரிக்கையாகும்.

-பொதுமக்கள், புதுப்பட்டி.