செங்கோட்டை-கோட்டைவாசல் இடையே மீண்டும் அரசு பஸ் இயக்கம்

செங்கோட்டை:

கேரள மாநிலத்தில் போக்குவரத்து தொழிலாளர்கள் சம்பளத்தை உயர்த்தக்கோரி கடந்த 2 நாட்களாக வேலைநிறுத்தம் செய்தனர். இதனால் கேரள மாநிலத்தில் பஸ்கள் ஓடவில்லை. கார், ஆட்டோக்கள் மட்டும் ஓடின. இதையடுத்து தமிழக அரசு சார்பில் செங்கோட்டையில் இருந்து தமிழக-கேரள எல்லையான கோட்டைவாசலுக்கு இயங்கி வந்த 3 பஸ்கள் நிறுத்தப்பட்டன. இதனால் இரு மாநில பயணிகளும் பெரிதும் அவதிப்பட்டனர்.

இந்தநிலையில் நேற்று கேரளாவில் போக்குவரத்து தொழிலாளர்கள் வேலைநிறுத்தத்தை முடித்துக்கொண்டனர். இதையடுத்து செங்கோட்டையில் இருந்து கோட்டைவாசலுக்கு மீண்டும் அரசு பஸ்கள் இயக்கப்பட்டது. இதனால் இருமாநில பயணிகள் மகிழ்ச்சி அடைந்தனர்.