‘தினத்தந்தி‘ புகார் பெட்டி: மக்கள் குறைகள் தொடர்பான பதிவுகள்

சென்னையில் பெய்த கனமழையால் பல இடங்களை வெள்ள நீர் சூழ்ந்துள்ளது. தாழ்வான பகுதிகள் மழைவெள்ளத்தில் தத்தளிக்கின்றன. மக்கள் என்ன செய்வது என்று தெரியாமல் பரிதவிக்கும் நிலை ஏற்பட்டுள்ளது. ஒரு நாள் இரவு பெய்த மழையே சென்னை மக்கள் இயல்பு வாழ்க்கையை புரட்டி போட்டுள்ளது.

மழை தொடர்ந்தால் சென்னை கதி என்ன ஆகும்? என்று தெரியவில்லை. எனவே தாழ்வான இடங்களில் சூழ்ந்துள்ள தண்ணீரை போர்க்கால அடிப்படையில் அகற்றிட நடவடிக்கை எடுத்திட வேண்டும். மழை வெள்ளத்தால் பாதிக்கப்பட்டுள்ள மக்களை சமூக நலக்கூடங்கள், திருமண மண்டபங்களில் தங்க வைக்க ஏற்பாடு வேண்டும். மழைநீருடன் கழிவுநீருடன் கலந்து ஓடுவதால் சுகாதார சீர்கேடு பிரச்சினை ஏற்பட்டுள்ளது. எனவே மழைக்கால மருத்துவ முகாம்களை நடத்த வேண்டும்.

-சமூக ஆர்வலர்கள்.