இந்திய கம்யூனிஸ்டு கட்சியினர் ஆர்ப்பாட்டம்

பழனி:

பழனியில் இந்திய கம்யூனிஸ்டு கட்சியின் நகர, ஒன்றியக்குழு சார்பில் திருவாரூர் மாவட்டம் நீடாமங்கலம் ஒன்றிய செயலாளர் தமிழார்வன் கொலை செய்யப்பட்டதை கண்டித்தும், குற்றவாளிகளை கைது செய்ய வலியுறுத்தியும் மயில் ரவுண்டானா முன்பு ஆர்ப்பாட்டம் நடைபெற்றது. இதற்கு மாநிலக்குழு உறுப்பினர் மணி தலைமை தாங்கினார். மாவட்டக்குழு உறுப்பினர் தங்கவேல், நகர பொருளாளர் ஈஸ்வரன் ஆகியோர் முன்னிலை வகித்தனர். இதில் இந்திய கம்யூனிஸ்டு கட்சியினர் பலர் கலந்துகொண்டனர்.