<
வீட்டின் பூட்டை உடைத்து 66 பவுன் நகைகள் கொள்ளை
வீட்டின் பூட்டை உடைத்து 66 பவுன் நகைகள் கொள்ளையடிக்கப்பட்டன
கந்தர்வகோட்டை
புதுக்கோட்டை மாவட்டம், கந்தர்வகோட்டை முஸ்லிம் தெருவில் வசித்து வருபவர் ஹக்கீம் (வயது 42). இவர் கடைவீதியில் கறிக்கடை நடத்தி வருகிறார். இவரும், இவரது மனைவியும் நேற்று வீட்டின் முன்புற இரும்பு கதவு மற்றும் பின்புற கதவை பூட்டி விட்டு பக்கத்து தெருவில் உள்ள தனது உறவினர் வீட்டிற்கு சென்றிருந்தனர்.
பின்னர் அங்கிருந்து மாலை 5 மணி அளவில் வீட்டிற்கு வந்தபோது பூட்டுகள் உடைக்கப்பட்டு கிடந்தது கண்டு அதிர்ச்சி அடைந்தனர். பின்னர் வீட்டிற்குள் சென்று பார்த்தபோது பீரோவும் திறந்து கிடந்தது. மேலும், பீரோவில் வைக்கப்பட்டு இருந்த 66 பவுன் நகைகள் மற்றும் ரூ.3 லட்சத்து 70 ஆயிரம் ரொக்கம் ஆகியவை மர்ம நபர்களால் கொள்ளையடிக்கப்பட்டு இருந்தன.
போலீசார் வலைவீச்சு
இதுகுறித்து போலீசாருக்கு ஹக்கீம் தகவல் கொடுத்தார். அதன்பேரில் கந்தர்வகோட்டை போலீசார் சம்பவ இடத்திற்கு வந்து விசாரணை நடத்தினர். கைரேகை நிபுணர்களும் வந்து மர்ம நபர்களின் கைரேகைகளை பதிவு செய்தனர். மேலும், போலீசார் அப்பகுதியில் உள்ள கண்காணிப்பு கேமராக்களில் பதிவான காட்சிகளை பார்வையிட்டும் விசாரணை மேற்கொண்டனர்.
இதுகுறித்து போலீசார் வழக்குப்பதிவு செய்து இந்த கொள்ளை சம்பவத்தில் ஈடுபட்ட மர்ம நபர்களை வலைவீசி தேடி வருகின்றனர். பட்டப்பகலில் நடந்த இந்த துணிகர கொள்ளை சம்பவத்தால் அப்பகுதியில் பரபரப்பு ஏற்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
