<
நாகையில் வாலிபர் கொலை வழக்கில் 3 பேர் கைது
நாகையில் வாலிபர் கொலை வழக்கில் 3 பேரை போலீசார் கைது செய்தனர். மேலும் 3 பேரை வலைவீசி தேடி வருகின்றனர்.
வெளிப்பாளையம்:
நாகையில் வாலிபர் கொலை வழக்கில் 3 பேரை போலீசார் கைது செய்தனர். மேலும் 3 பேரை வலைவீசி தேடி வருகின்றனர்.
வாலிபர் கொலை
நாகை வெளிப்பாளையம் தாமரைக்குளம் தென்கரை பகுதியை சேர்ந்தவர் ராஜேந்திரன். இவருடைய மகன் மாரியப்பன் (வயது25). இவர் நேற்று முன்தினம் நாகை மருந்து கொத்தள சாலையில் உள்ள ஒரு டாஸ்மாக் கடையில் மது வாங்கினார். அப்போது அதே பகுதியை சேர்ந்த சில வாலிபர்களும் மது வாங்கினர். இதில் இரு தரப்பினருக்கும் இடையே தகராறு ஏற்பட்டது. இதில் ஆத்திரமடைந்த வாலிபர்கள் மாரியப்பனை அங்கு கிடந்த கல்லை எடுத்து தாக்கி விட்டு தப்பியோடி விட்டனர்.இதில் படுகாயமடைந்த மாரியப்பன் சம்பவ இடத்திலேயே உயிரிழந்தார். இது குறித்து நாகை டவுன் போலீசார் வழக்குப்பதிவு செய்து விசாரணை நடத்தினர்.
3 பேர் கைது
இந்த கொலை வழக்கு தொடர்பாக மருந்து கொத்தள தெருவைச் சேர்ந்த அலெக்ஸ்(26), அப்பு(25), சீனு(28) ஆகிய 3 பேரையும் போலீசார் கைது செய்தனர். மேலும் இந்த வழக்கில் தொடர்புடைய 3 பேரை தேடி வருகின்றனர். இந்நிலையில் நாகை அரசு மருத்துவக்கல்லூரி ஆஸ்பத்திரியில் மாரியப்பன் உடல் பிரதே பரிசோதனை செய்ய காலதாமதம் ஏற்பட்டது. இதை கண்டித்து அவரது உறவினர்கள் சாலை மறியலில் ஈடுபட்டனர்.
இதுகுறித்து தகவல் அறிந்த வெளிப்பாளையம் போலீசார் சம்பவ இடத்திற்கு வந்து பேச்சுவார்த்தை நடத்தினர். இதை தொடர்ந்து அவர்கள் கலைந்து சென்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
