<
தஞ்சை மாவட்டத்தில் இரவில் ஆய்வு செய்த மு.க.ஸ்டாலின்
தஞ்சை மாவட்டத்தில் மழையால் சேதமடைந்த நெற்பயிர்களை இரவில் பார்வையிட்டு முதல்-அமைச்சர் மு.க.ஸ்டாலின் ஆய்வு செய்தார்.
தஞ்சாவூர்;
தஞ்சை மாவட்டத்தில் மழையால் சேதமடைந்த நெற்பயிர்களை இரவில் பார்வையிட்டு முதல்-அமைச்சர் மு.க.ஸ்டாலின் ஆய்வு செய்தார்.
இரவில் மு.க.ஸ்டாலின் ஆய்வு
தஞ்சை மாவட்டம் பட்டுக்கோட்டையில் முதல்-அமைச்சர் மு.க.ஸ்டாலின் மாலை 4 மணிக்கு ஆய்வு செய்வதாக இருந்தது. ஆனால் டெல்டா மாவட்டங்களில் ஆய்வினை மேற்கொண்ட அவர் தஞ்சைக்கு வருவதற்கு இரவு 7 மணி ஆகிவிட்டது அப்போது நன்றாக இருட்டி விட்டதால் இரவிலும் அவர் பாதிக்கப்பட்ட பயிர்களை பார்வையிட்டார்.
இதற்காக அந்தப் பகுதிகளில் மின் விளக்குகள் அமைக்கப்பட்டு இருந்தன. தஞ்சை மாவட்டத்தில் பாதிக்கப்பட்ட இடங்கள் குறித்து அமைக்கப்பட்டிருந்த புகைப்பட காட்சிகளை மு.க.ஸ்டாலின் பார்வையிட்டார். முதல்-அமைச்சரிடம் பாதிப்புகள் குறித்து கலெக்டர் தினேஷ் பொன்ராஜ் ஆலிவர் எடுத்துக் கூறினார். பின்னர் மு.க.ஸ்டாலின் அங்கு திரண்டு இருந்த பொதுமக்களிடம் கோரிக்கை மனுக்களை பெற்றுக்கொண்டார்.
அமைச்சர்கள்-எம்.பி.க்கள்
முன்னதாக தஞ்சை மாவட்டத்துக்கு வந்த முதல் அமைச்சர் மு.க.ஸ்டாலினை கலெக்டர் தினேஷ் பொன்ராஜ் ஆலிவர், மாவட்ட கண்காணிப்பு அதிகாரி விஜயகுமார் ஆகியோர் வரவேற்றனர். இந்த ஆய்வின் போது அமைச்சர்கள் கே.என்.நேரு, ஐ.பெரியசாமி அன்பில் மகேஷ் பொய்யாமொழி, எம்.பி.க்கள் டி.ஆர்.பாலு, எஸ்.எஸ்.பழனிமாணிக்கம், அரசு தலைமை கொறடா கோவி.செழியன், எம்.எல்.ஏ.க்கள் துரை.சந்திரசேகரன், சாக்கோட்டை அன்பழகன், அண்ணாதுரை, அசோக்குமார், நீலமேகம், டாக்டர் முத்துராஜா, தி.மு.க.மாவட்ட செயலாளர்கள் கல்யாணசுந்தரம், ஏனாதி பாலு, கூடுதல் கலெக்டர்கள் சுபத்ரா, ஸ்ரீகாந்த், அக்னியாறு கோட்ட செயற்பொறியாளர் கனிமொழி, உதவிப்பொறியாளர் திருவள்ளுவன், மாவட்ட வேளாண்மை இணை இயக்குனர் ஜஸ்டின், தஞ்சை மின் பகிர்மான வட்ட மேற்பார்வை பொறியாளர் விஜயகவுரி மற்றும் உள்ளாட்சி பிரதிநிதிகள், அரசு அதிகாரிகள் உடனிருந்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
