பெண் இறந்த வழக்கில் கணவன், மாமியார் கைது

அரியலூர் மாவட்டம், ஜெயங்கொண்டம் அருகே புதுக்குடி கிராமத்தை சேர்ந்த ராமச்சந்திரனின் மகன் ராஜதுரைக்கும்(வயது 30), நாகல்குழி கிராமத்தைச் சேர்ந்த சூர்யாவுக்கும்(26) கடந்த 3 ஆண்டுக்கு முன்பு திருமணம் நடைபெற்றது. ஒரு ஆண் குழந்தை உள்ளது. இந்தநிலையில் கணவனின் குடும்பத்தினருக்கும், சூர்யாவிற்கும் அடிக்கடி தகராறு ஏற்பட்டு வந்துள்ளது. இதனால், மனமுடைந்த சூர்யா சம்பவத்தன்று வீட்டில் தூக்குப்போட்டு கொண்டு மர்மமான முறையில் இறந்து கிடந்தார். அவரது சாவில் சந்தேகம் இருப்பதாக சூர்யாவின் உறவினர்கள் புகார் அளித்தனர். இதுகுறித்து ஜெயங்கொண்டம் போலீசார் வழக்குப்பதிவு செய்து கணவர் ராஜதுரை மற்றும் அவரது பெற்றோர்களான ராமச்சந்திரன், சீதை ஆகியோரிடம் விசாரணை நடத்தினர். பின்னர் சூர்யாவை தற்கொலைக்கு தூண்டியதாக ராஜதுரை, சீதை ஆகியோரை போலீசார் கைது செய்தனர்.