கஞ்சா வைத்திருந்த 3 பேர் கைது

நெல்லை:

மேலப்பாளையம் போலீசார் மேலநத்தம் பகுதியில் ரோந்து பணியில் ஈடுபட்டனர். அப்போது அந்த பகுதியில் நின்ற 3 பேரை பிடித்து விசாரணை நடத்தினர். அதில், அவர்கள் மேல திருவேங்கடநாதபுரத்தை சேர்ந்த சண்முகசுந்தரம் (வயது 20), ஜோதி புரத்தை சேர்ந்த ஜோசப் விஜய் (19), மேல கருங்குளத்தை சேர்ந்த கணேஷ் (19) ஆகியோர் என்பதும், கஞ்சா வைத்திருந்ததும் தெரியவந்தது. இதையடுத்து போலீசார், 3 பேரையும் கைது செய்தனர்.