டி.வி. வெடித்து தாய், மகன் காயம்

கூடலூர்

கூடலூர் பகுதியில் நேற்று முன்தினம் மாலை முதல் பலத்த மழை பெய்தது. இதனால் நீர்நிலைகளில் தண்ணீர் பெருக்கெடுத்து ஓடியது. தொடர்ந்து விவசாய நிலத்திற்குள் தண்ணீர் புகுந்தது. அப்போது இரவு 8 மணிக்கு ஆமைகுளம் பகுதியை சேர்ந்த தினேஷ் என்பவரது வீட்டை மின்னல் தாக்கியது. தொடர்ந்து வீட்டில் வைத்திருந்த டி.வி. மற்றும் செட்டாப் பாக்ஸ் வெடித்து சிதறியது. 

அப்போது வீட்டுக்குள் இருந்த தினேஷின் மனைவி கிருஷ்ணவேணி(வயது 27), மகன் யுவனேஸ்வரன்(10) ஆகியோர் காயமடைந்தனர். இதைத்தொடர்ந்து 2 பேரையும் உறவினர்கள் மீட்டு கூடலூர் அரசு ஆஸ்பத்திரியில் சேர்த்தனர். அங்கு சிகிச்சை அளிக்கப்பட்டது. இது தொடர்பாக வருவாய்த்துறையினர் விசாரணை நடத்தினர்.