போக்சோவில் தொழிலாளி கைது

கூடலூர்

ராமநாதபுரம் மாவட்டம் ஆலயங்குளம் பகுதியை சேர்ந்தவர் ராமநாதன் என்ற ஜாபர்(வயது 48). தொழிலாளி. இவர் நீலகிரி மாவட்டத்தில் தங்கியிருந்து கூலி வேலை செய்து வந்தார். அப்போது அவருக்கும், 17 வயது சிறுமிக்கும் இடையே பழக்கம் ஏற்பட்டது. இந்த பழக்கம் நாளடைவில் நெருக்கமானது. பின்னர் ஆசை வார்த்தை கூறி அந்த சிறுமியை ராமநாதன் பாலியல் பலாத்காரம் செய்தார். இதனால் அவள் கர்ப்பம் அடைந்தாள். 

இதை அறிந்த உறவினர்கள் அவர்களுக்கு திருமணம் செய்து வைத்தனர். இது தொடர்பாக சைல்டுலைன் அமைப்புக்கு தகவல் கிடைத்தது. அந்த அமைப்பினர் கூடலூர் அனைத்து மகளிர் போலீஸ் நிலையத்தில் புகார் அளித்தனர். அதன்பேரில் இன்ஸ்பெக்டர் சுசிலா தலைமையிலான போலீசார் போக்சோ சட்டத்தின் கீழ் வழக்குப்பதிவு செய்து, ராமநாதனை கைது செய்தனர்.