மோட்டார் சைக்கிள் மோதி முதியவர் பலி

ஸ்பிக்நகர்:

தூத்துக்குடி கேம்ப்-1 பகுதியை சேர்ந்தவர் மாடசாமி (வயது 75). இவர் முத்தையாபுரம் பகுதியில் தூத்துக்குடி- திருச்செந்தூர் சாலையை கடக்க முயன்றார். அப்போது முத்தையாபுரம் ஜெ.எஸ். நகர் பகுதியை சேர்ந்த முனியசாமி என்பவர் ஓட்டி வந்த மோட்டார் சைக்கிள் இவர் மீது எதிர்பாராதவிதமாக மோதியது. இதில் பலத்த காயமடைந்த அவரை முத்தையாபுரம் போலீசார் மீட்டு 108 ஆம்புலன்ஸ் மூலம் தூத்துக்குடி அரசு ஆஸ்பத்திரிக்கு சிகிச்சைக்காக அனுப்பி வைத்தனர். அங்கு சிகிச்சை பலனின்றி பரிதாபமாக அவர் உயிரிழந்தார். இந்த விபத்து குறித்து முத்தையாபுரம் போலீஸ் சப்-இன்ஸ்பெக்டர் முத்துமாலை வழக்குப்பதிவு செய்தார். இன்ஸ்பெக்டர் ஜெயசீலன் விசாரணை நடத்தி வருகிறார்.