காட்டுப்பன்றி வேட்டையாடிய 5 பேர் கைது

பழனி:

பழனி அருகே உள்ள கொடிக்கட்டி வனப்பகுதியில் வனச்சரகர் பழனிக்குமார் உத்தரவின்பேரில், வனவர் புவனேஸ்வரன் தலைமையிலான வனத்துறையினர் ரோந்து சென்றனர். அப்போது அந்த பகுதியில் காட்டுப்பன்றி வேட்டையாடிய பழனியை அடுத்த அழகாபுரியை சேர்ந்த மாரிக்கண்ணு (வயது 31), மாரிமுத்து (40), புலிக்கோட்டையூரை சேர்ந்த வெள்ளியங்கிரி (50), நெய்க்காரப்பட்டியை சேர்ந்த அழகர் (60), 18 வயதுடைய வாலிபர் ஆகிய 5 பேரை வனத்துறையினர் மடக்கிப்பிடித்து கைது செய்தனர். அவர்களிடம் இருந்து வேட்டையாட பயன்படுத்திய வலை மற்றும் 16 கிலோ இறைச்சி பறிமுதல் செய்யப்பட்டது. மேலும் அவர்களுக்கு தலா ரூ.10 ஆயிரம் வீதம் ரூ.50 ஆயிரம் அபராதம் விதிக்கப்பட்டது.