<
மருத்துவர் இல்லாததால் பொதுமக்கள் காத்திருப்பு
மருத்துவர் இல்லாததால் பொதுமக்கள் காத்திருப்பு
அவினாசி,
அவினாசி சீனிவாசபுரத்தில் அரசு கால்நடை மருத்துவமனை செயல்பட்டு வருகிறது. அவினாசி வட்டாரப்பகுதியில் விவசாயம் மற்றும் ஆடு, மாடு, கோழி, நாய்வளர்ப்புகள் அதிகம் உள்ளது. அவ்வாறு வளர்க்கப்படும் கால்நடைகளுக்கு நோய் பாதிக்கப்பட்டால் அவினாசி கால்நடை மருத்துவமனைக்கு கொண்டுவந்து சிகிச்சை பெற்று செல்கின்றனர்.
இந்த நிலையில் கால்நடைகளுக்கு மருத்துவம் பார்க்க வந்தவர்கள் கூறுகையில் கடந்த 4 நாட்களாக நோயால் பாதிக்கப்பட்ட கோழி, ஆடு, நாய் உள்ளிட்டவைகளை காலை 9 மணிக்கு மருத்துவமனைக்கு கொண்டுவந்தோம். நீண்ட நேரமாகியும் மருத்துவர் வராததால் அங்குள்ள ஊழியர்களை கேட்டபோது இந்த மருத்துவமனையில் நிரந்தர மருத்துவர் இல்லாததால் தற்காலிகமாக ஈரோடு மாவட்டம் பவானியிலிருந்து மருத்துவர் வருவார் என்று தெரிவித்தனர். கால்நடைகளுடன் நாங்கள் வெகுநேரம் காத்திருக்கும் நிலை ஏற்படுவதால் எங்களது அன்றாட பணி பாதிக்கப்படுகிறது. எனவே அவினாசி கால்நடை மருத்துவமனையில் நிரந்தரமாக கால்நடை மருத்துவரை நியமிக்க வேண்டும் என்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
