<
மோட்டார் சைக்கிளில் சென்றபோது கீழே விழுந்தார்: மாநகர பஸ் சக்கரத்தில் சிக்கி வாலிபர் பலி
மோட்டார் சைக்கிளில் சென்றபோது கீழே விழுந்த வாலிபர் மாநகர பஸ் சக்கரத்தில் சிக்கி பலியானார்.
சென்னை,
சென்னை கோடம்பாக்கம் பகுதியைச் சேர்ந்தவர் ராஜேந்திரன். இவருடைய மகன் ராஜேஷ் (வயது 19). இவர், தனியார் கலை கல்லூரியில் 2-ம் ஆண்டு படித்துவந்தார். நேற்று மதியம் ராஜேஷ் தனது மோட்டார்சைக்கிளில் கோடம்பாக்கம் மேம்பாலம் அருகே சென்று கொண்டிருந்தார்.
அப்போது எதிர்பாராதவிதமாக மோட்டார் சைக்கிளில் இருந்து நிலைதடுமாறி ராஜேஷ் சாலையில் விழுந்தார். அப்போது பின்னால் வந்த அய்யப்பந்தாங்கல்-பிராட்வே செல்லும் மாநகர பஸ்(தடம் எண்: 26) அவர் மீது ஏறி இறங்கியது. பஸ் சக்கரத்தில் சிக்கிய ராஜேஷ், சம்பவ இடத்திலேயே உடல் நசுங்கி பரிதாபமாக உயிரிழந்தார்.
இதுபற்றி பாண்டிபஜார் போக்குவரத்து புலனாய்வு பிரிவு போலீசார் வழக்குப்பதிவு செய்து விசாரித்து வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
