<
உப்பாறு ஓடையில் கொட்டப்படும் கழிவுகள்
உப்பாறு ஓடையில் கழிவுகள் கொட்டப்படுவதால் மழைக்காலங்களில் தண்ணீர் வீணாவதோடு நீர் நிலையும் மாசடைந்து வருகிறது.
குடிமங்கலம
உப்பாறு ஓடையில் கழிவுகள் கொட்டப்படுவதால் மழைக்காலங்களில் தண்ணீர் வீணாவதோடு நீர் நிலையும் மாசடைந்து வருகிறது.
உப்பாறு ஓடை
குடிமங்கலம் ஒன்றியத்தில் முக்கிய நீர் ஆதாரமாக விளங்குவது உப்பாறு ஓடை. குடிமங்கலம் ஒன்றியத்தில் உள்ள பெரும்பாலான ஊராட்சிகளின் வழியாகவே உப்பாறுசெல்கிறது. உப்பாறு ஓடடையின் வழியாக தண்ணீர் செல்லும் போது குடிமங்கலம் பகுதிகளில் நிலத்தடி நீர் மட்டம் உயர்கிறது. இதன் காரணமாக விவசாயிகள் கிணற்றுப்பாசனம் மூலம் காய்கறி சாகுபடியில் ஈடுபட்டு வருகின்றனர். உப்பாறு ஓடை வழியாக செல்லும் தண்ணீர் கடைசியாக உப்பாறு அணைக்கு செல்கிறது. உப்பாறு அணை மூலம் சுமார் 3ஆயிரம் ஏக்கர் நிலம் நேரடியாக பாசன வசதி பெறுகிறது. இதுதவிர ஆயிரக்கணக்கான ஏக்கர் நிலங்கள் மறைமுகமாகவும் பாசன வசதி பெறுகிறது.
உப்பாறு ஓடை தூர்வாரப்படாததால் பல இடங்களில் சீமை கருவேல மரங்கள் ஆக்கிரமிப்பு காரணமாக புதர்மண்டி கிடக்கிறது. மேலும் பல இடங்களில் அந்தந்த பகுதியில் உள்ள கழிவுகள், குப்பைகள் தொடர்ந்து கொட்டப்படுகிறது. இதனால் மழைக்காலங்களில் நீர்வழித்தடங்களில் அடைப்பு ஏற்பட்டு தரைபாலங்களைத் தாண்டி தண்ணீர் செல்கிறது
போர்க்கால நடவடிக்கை
உப்பாறு ஓடையில் நீர் செல்லும் இடங்களில் ஓடையின் குறுக்கே பாலங்கள் கட்டப்பட்டுள்ளன. பாலங்கள் கட்டப்பட்ட பகுதிகளில் இருசக்கர வாகனங்கள் மற்றும் நான்கு சக்கர வாகனங்களில் கழிவுகளை கொண்டு வந்து கொட்டிசெல்கின்றனர். இதனால் பாலத்தின் அடிப்பகுதியில், தண்ணீர் செல்லும் நீர் வழித்தடங்களில் கழிவுகள் தேங்கி கிடக்கிறது.
மழைக்காலங்களில் ஓடைகளில் அதிகளவு தண்ணீர் செல்லும் போது கழிவுகள் நீர் வழித் தடங்களை அடைத்துக் கொள்கிறது. இதனால் தண்ணீர் பல இடங்களில் வீணாகி வருகிறது.குடிமங்கலம் பகுதியில் விவசாயத்துடன் இணைந்து தொழிலாக கால்நடை வளர்ப்பு நடைபெற்று வருகிறது.கால்நடைகள் தண்ணீர் குடிப்பதற்கு உப்பாறு ஓடை பயன்படுகிறது. உப்பாறு ஓடையில்கழிவுகள் கொட்டப்படுவதால் நீர் மாசடைந்து வருகிறது. விவசாயிகள் மற்றும் பொதுமக்களின் நீண்ட நாள் கோரிக்கையான உப்பாறு ஓடையை தூர்வார வேண்டும்.உப்பாறு ஓடையில் கழிவுகள் கொட்டுபவர்கள் மீது உரிய நடவடிக்கை எடுக்க வேண்டும் என இப்பகுதி மக்கள் கோரிக்கை விடுத்துள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
