நத்தம் அருகே மின்சாரம் பாய்ந்து வாலிபர் சாவு

நத்தம் :

 நத்தம் அருகே உள்ள லிங்கவாடியை சேர்ந்தவர் செல்வகணேஷ் (வயது 24). நேற்று முன்தினம் இரவு இவர் தனது வீட்டின் அருகே உள்ள குழாயில் தண்ணீர் பிடிப்பதற்காக அங்கிருந்த மின் மோட்டாரின் சுவிட்சை போட்டார். அப்போது  எதிர்பாராத வகையில் மின் கசிவு ஏற்பட்டு செல்வகணேஷ் மீது மின்சாரம் பாய்ந்தது. இதையடுத்து அக்கம்பக்கத்தினர் அவரை மீட்டு நத்தம் அரசு மருத்துவமனைக்கு சிகிச்சைக்காக கொண்டு சென்றனர். ஆனால் வழியிலேயே அவர் பரிதாபமாக இறந்தார். இதுகுறித்து நத்தம் போலீஸ் இன்ஸ்பெக்டர் ராஜமுரளி வழக்குப்பதிவு செய்து விசாரணை நடத்தி வருகிறார்.