<
நாமக்கல், திருச்செங்கோட்டில் ரூ.12 லட்சத்துக்கு பருத்தி ஏலம்
நாமக்கல் மற்றும் திருச்செங்கோட்டில் நேற்று 545 மூட்டை பருத்தி ரூ.12 லட்சத்துக்கு ஏலம் போனது.
நாமக்கல்:
நாமக்கல் மற்றும் திருச்செங்கோட்டில் நேற்று 545 மூட்டை பருத்தி ரூ.12 லட்சத்துக்கு ஏலம் போனது.
பருத்தி ஏலம்
நாமக்கல் வேளாண்மை உற்பத்தியாளர்கள் கூட்டுறவு விற்பனை சங்க வளாகத்தில் செவ்வாய்க்கிழமை தோறும் பருத்தி ஏலம் நடைபெறுவது வழக்கம். அதன்படி நேற்று பருத்தி ஏலம் நடந்தது.
இந்த ஏலத்துக்கு நாமக்கல், நாமகிரிப்பேட்டை, ராசிபுரம், வேலகவுண்டம்பட்டி, புதுச்சத்திரம், எருமப்பட்டி, பவித்திரம், சேந்தமங்கலம் என மாவட்டம் முழுவதும் இருந்தும், அண்டை மாவட்டங்களில் இருந்தும் விவசாயிகள் 400 மூட்டை பருத்தியை விற்பனைக்கு கொண்டு வந்து இருந்தனர்.
ரூ.10 லட்சத்துக்கு விற்பனை
இந்த பருத்தி மூட்டைகள் ரூ.10 லட்சத்துக்கு விற்பனையானது. ஆர்.சி.எச். ரக பருத்தி குவிண்டால் ஒன்றுக்கு ரூ.6 ஆயிரத்து 499 முதல் ரூ.8 ஆயிரத்து 989 வரையிலும், சுரபி ரக பருத்தி ரூ.9 ஆயிரத்து 2 முதல் ரூ.9 ஆயிரத்து 999 வரையிலும், கொட்டு ரக பருத்தி குவிண்டால் ஒன்றுக்கு ரூ.2 ஆயிரத்து 109 முதல் ரூ.5 ஆயிரத்து 299 வரையிலும் ஏலம் போனது.
இந்த பருத்தி மூட்டைகளை திருப்பூர், திண்டுக்கல், தேனி, சேலம், கொங்கணாபுரம், கோவை, அவினாசி உள்ளிட்ட பகுதிகளில் இருந்து வந்த வியாபாரிகள் ஏலம் எடுத்து சென்றனர்.
திருச்செங்கோடு
திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின் தலைமை அலுவலகத்தில் பருத்தி ஏலம் நடைபெற்றது. இதில் பருத்தி பி.டி. ரகம் குவிண்டால் ஒன்றுக்கு ரூ.5 ஆயிரத்து 950 முதல் ரூ.7 ஆயிரத்து 822 வரையிலும், சுரபி ரகம் குவிண்டாலுக்கு ரூ.6 ஆயிரத்து 50 முதல் ரூ.8 ஆயிரத்து 500 வரையிலும் ஏலம் போனது.
ஏலத்தில் மொத்தம் 145 பருத்தி மூட்டைகள் ரூ.2 லட்சத்துக்கு விற்பனை ஆனது. நாமக்கல் மற்றும் திருச்செங்கோட்டில் மொத்தம் ரூ.12 லட்சத்துக்கு பருத்தி ஏலம் போனது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
