ஏரியில் பிணமாக மிதந்த முதியவர்

கீழப்பழுவூர்:

அரியலூர் மாவட்டம் திருமானூர் ஒன்றியத்துக்கு உட்பட்ட அருங்கால் கிராமத்தை சேர்ந்தவர் பொன்னுசாமி(வயது 70). இவரை கடந்த 21-ந் தேதி மாலையில் இருந்து காணாததால், அவரது குடும்பத்தினர் தேடி வந்தனர். இந்நிலையில் நேற்று மதியம் அதே கிராமத்தில் உள்ள வாண்டான் ஏரியில் பொன்னுசாமி பிணமாக மிதப்பதாக அப்பகுதி மக்கள் கீழப்பழுவூர் போலீசாருக்கு தகவல் அளித்தனர். இதனையடுத்து சம்பவ இடத்திற்கு விரைந்து சென்ற போலீசார், பொன்னுசாமியின் உடலை கைப்பற்றி பிரேத பரிசோதனைக்காக அரியலூர் அரசு மருத்துவமனைக்கு அனுப்பி வைத்தனர். மேலும் இது குறித்து வழக்குப்பதிவு செய்து விசாரணை நடத்தி வருகின்றனர்.