மாவட்ட செய்திகள்

மாணவர்களுடன் தரையில் அமர்ந்து உரையாடிய அமைச்சர் + "||" + The minister sat on the floor and talked with the students

மாணவர்களுடன் தரையில் அமர்ந்து உரையாடிய அமைச்சர்

மாணவர்களுடன் தரையில் அமர்ந்து உரையாடிய அமைச்சர்
திருப்புட்குழி ஊராட்சி ஒன்றிய தொடக்கப்பள்ளியில் மாணவர்களுடன் தரையில் அமர்ந்து அமைச்சர் அன்பில் மகேஷ் பொய்யாமொழி உரையாடினார்.
சென்னை,

காஞ்சீபுரம் மாவட்டத்தில் பல்வேறு பள்ளிகளை தமிழக பள்ளி கல்வித்துறை அமைச்சர் அன்பில் மகேஷ் பொய்யாமொழி பார்வையிட்டு ஆய்வு மேற்கொண்டார். காஞ்சீபுரம் அடுத்த திருப்புட்குழி ஊராட்சி ஒன்றிய தொடக்கப்பள்ளியில் உள்ள வகுப்பறைகள், காணொலி காட்சி வகுப்பறைகள், கணினி வகுப்பறை உள்ளிட்டவைகளை அவர் ஆய்வு செய்தார்.

பின்னர் மாணவர்களோடு மாணவர்களாய் தரையில் அமர்ந்த அமைச்சர் அன்பில் மகேஷ் பொய்யாமொழி, மாணவர்கள் படிப்பதை ரசித்து பார்த்து, அவர்களுடன் கலந்துரையாடினார்.

அப்போது அவரிடம் பள்ளியை மேலும் தரம் உயர்த்த வேண்டும் என ஆசிரியர்கள் கோரிக்கை விடுத்தனர். அதற்கு அவர், உடனடியாக நடவடிக்கை எடுக்கப்படும் என்றார்.

இதையடுத்து உத்திரமேரூர் அடுத்த பெருநகர் கிராமத்தில் உள்ள அரசினர் மாதிரி மேல்நிலை பள்ளியில் குழந்தை விஞ்ஞானிகள் ஆய்வகத்தையும் அமைச்சர் அன்பில் மகேஷ் பொய்யாமொழி திறந்து வைத்து பள்ளி மாணவ-மாணவிகளின் கண்டுபிடிப்புகளை பார்வையிட்டார். அப்போது மாணவ-மாணவிகள் தங்களது கண்டுபிடிப்புகளின் சிறப்பம்சங்கள் குறித்து அமைச்சரிடம் விளக்கி கூறினர்.

சென்னையில் அமைச்சர் அன்பில் மகேஷ் பொய்யாமொழி நிருபர்களிடம் கூறுகையில், ‘பொதுத்தேர்வு எழுத இருக்கும் 10 மற்றும் 12-ம் வகுப்பு மாணவர்கள் மட்டுமே தினமும் பள்ளிக்கு வர அறிவுறுத்தப்பட்டுள்ளனர். மற்ற மாணவர்கள் அரசின் வழிகாட்டு நெறிமுறைகளின்படி சுழற்சி முறை வகுப்புகள் அடிப்படையில் தான் வரவழைக்கப்படுகின்றனர். அதனை இப்போது நிறுத்த முடியாது. கொரோனா தொற்று முழுவதும் குறைந்தவுடன் சுழற்சி முறை வகுப்புகள் கைவிடப்படும்' என்றார்.

தொடர்புடைய செய்திகள்

1. தனியார் பள்ளி ஆசிரியர்களின் நிலை சங்கடத்தை ஏற்படுத்துகிறது - அமைச்சர் அன்பில் மகேஷ் பொய்யாமொழி
நோய்த்தொற்று காலத்தில் தனியார் பள்ளி ஆசிரியர்களின் நிலை சங்கடத்தை ஏற்படுத்துகிறது என அமைச்சர் அன்பில் மகேஷ் பொய்யாமொழி கூறியுள்ளார்.
2. 1 முதல் 8-ம் வகுப்பு வரை பள்ளிகளை திறப்பது குறித்து 15-ந் தேதி அரசிடம் அறிக்கை சமர்ப்பிக்கப்படும் - அமைச்சர் அன்பில் மகேஷ் பொய்யாமொழி பதில்
1 முதல் 8-ம் வகுப்பு வரை பள்ளிகள் திறப்பது குறித்து அரசிடம் 15-ந்தேதி அறிக்கை சமர்ப்பிக்கப்படும் என்று அமைச்சர் அன்பில் மகேஷ் பொய்யாமொழி பதில் அளித்தார். திருச்சி திருெவறும்பூரில் நேற்று பள்ளிக்கல்வித் துறை அமைச்சர் அன்பில் மகேஷ் பொய்யாமொழி நிருபர்களிடம் கூறியதாவது:-
3. தனியார் பள்ளிகளைப்போன்று அரசு பள்ளிகளை 2 ஆண்டுகளில் மேம்படுத்த நடவடிக்கை
தனியார் பள்ளிகளைப்போன்று அரசு பள்ளிகளை 2 ஆண்டுகளில் மேம்படுத்த நடவடிக்கை எடுக்கப்படும் என்று அமைச்சர் அன்பில் மகேஷ் பொய்யாமொழி கூறினார்.
4. 9 முதல் பிளஸ் 2 வரை பள்ளிகளைத் திறப்பது குறித்து ஆலோசித்து வருகிறோம்-அமைச்சர் தகவல்
சி.எஸ்.ஆர் சமூக பொறுப்பு நிதி மூலம் தமிழகத்தில் உள்ள அரசுப் பள்ளிகளை மேம்படுத்த அனைவரும் முன்வர வேண்டும் என அமைச்சர் கூறினார்.
5. பிளஸ்-2 மதிப்பீட்டுக்கு கணக்கீடு செய்ய 10-ம் வகுப்பு பொதுத்தேர்வில் 50 சதவீத மதிப்பெண்கள் எடுக்க காரணம் என்ன?
பிளஸ்-2 மதிப்பீட்டுக்கு கணக்கீடு செய்ய 10-ம் வகுப்பு பொதுத்தேர்வில் 50 சதவீத மதிப்பெண்கள் எடுக்க காரணம் என்ன? என்பது குறித்து அமைச்சர் அன்பில் மகேஷ் பொய்யாமொழி விளக்கம் அளித்துள்ளார்.