தினத்தந்தி புகார் பெட்டி

நாய்கள் தொல்லை

தஞ்சை மருத்துவக்கல்லூரி சாலை மங்களபுரம் பஸ் நிறுத்தம் பகுதியில் உள்ள சுந்தரம் நகர், திருப்பதி நகர், லட்சுமிபுரம், அணில் நகர் பகுதிகளில் நாய்கள் அதிகளவில் சுற்றித்திரிகின்றன. இவைகள் சாலையில் நடந்து செல்லும் பொதுமக்கள், குழந்தைகளை விரட்டி சென்று கடிக்கின்றன. மேலும், இருசக்கர மற்றும் கார்களில் செல்பவர்களை விரட்டுகின்றன. இதனால் வாகன ஓட்டிகள் அடிக்கடி விபத்துகளில் சிக்கிக்கொள்கின்றனர். மேலும், வீடுகளில் வளர்க்கப்படும் ஆடு, கோழிகளை நாய்கள் கூட்டமாக வந்து வேட்டையாடி செல்கின்றன. இதன் காரணமாக அந்த பகுதிகளில் உள்ள பொதுமக்கள் மிகுந்த அச்சத்துடன் காணப்படுகின்றனர். எனவே  சம்பந்தப்பட்ட அதிகாரிகள் மேற்கண்ட பகுதிகளில் சுற்றித்திரியும் நாய்களை பிடித்து செல்ல நடவடிக்கை எடுக்க வேண்டும் என்பதே அந்தபகுதி மக்களின் கோரிக்கையாகும்.

-பொதுமக்கள், தஞ்சை.