வாகனம் மோதி ஊர்க்காவல் படை வீரர் பலி

உளுந்தூர்பேட்டை, 

உளுந்தூர்பேட்டை அருகே உள்ள குருபீடபுரத்தை சேர்ந்தவர் கலியன் மகன் கமலக்கண்ணன்(வயது 35). ஊர்க்காவல் படை வீரரான இவர், எடைக்கல் போலீஸ் நிலையத்திற்குட்பட்ட பகுதியில் நேற்று முன்தினம் பணியில் இருந்தார். இரவில் பணி முடிந்ததும் கமலக்கண்ணன், மோட்டார் சைக்கிளில் வீட்டிற்கு புறப்பட்டார். உளுந்தூர்பேட்டை-சேலம் தேசிய நெடுஞ்சாலையில் செம்பியன் மாதேவி என்ற இடத்தில் சென்றபோது, அந்த வழியாக வந்த அடையாளம் தெரியாத வாகனம் எதிர்பாராதவிதமாக கமலக்கண்ணன் மீது மோதிவிட்டு நிற்காமல் சென்றது. 

இதில் கமலக்கண்ணன் சம்பவ இடத்திலேயே பலியானார். இது பற்றி தகவல் அறிந்ததும் எலவனாசூர்கோட்டை போலீசார் விரைந்து சென்று கமலக்கண்ணனின் உடலை கைப்பற்றி பிரேத பரிசோதனைக்காக கள்ளக்குறிச்சி அரசு ஆஸ்பத்திரிக்கு அனுப்பி வைத்தனர். மேலும் இதுதொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.