<
இடுபொருட்களுக்கு பதிலாக பணமாக நிவாரணம் வழங்க மு.க.ஸ்டாலினிடம் பரிந்துரை
விவசாயிகள் கோரிக்கையின்படி இடுபொருட்களுக்கு பதிலாக பணமாக நிவாரணம் வழங்க முதல்-அமைச்சர் மு.க.ஸ்டாலினிடம் பரிந்துரை செய்யப்படும் என அமைச்சர் அன்பில் மகேஷ் பொய்யாமொழி கூறினார்.
தஞ்சாவூர்:
விவசாயிகள் கோரிக்கையின்படி இடுபொருட்களுக்கு பதிலாக பணமாக நிவாரணம் வழங்க முதல்-அமைச்சர் மு.க.ஸ்டாலினிடம் பரிந்துரை செய்யப்படும் என அமைச்சர் அன்பில் மகேஷ் பொய்யாமொழி கூறினார்.
அமைச்சர் ஆய்வு
தஞ்சையை அடுத்த 8-ம் கரம்பை, காட்டுக்கோட்டை, கீழத்திருப்பூந்துருத்தி, குழிமாத்தூர் ஆகிய பகுதிகளில் மழை தண்ணீரில் நெற்பயிர்கள் மூழ்கியுள்ளதை அமைச்சர் அன்பில் மகேஷ் பொய்யாமொழி நேற்று நேரில் பார்வையிட்டு ஆய்வு செய்தார். பின்னர் அவர் நிருபர்களிடம் கூறியதாவது:-
கடந்த 2015-ம் ஆண்டுக்கு பிறகு எதிர்பார்க்காத அளவுக்கு மிகப்பெரிய மழை பெய்துள்ளது. கிட்டத்தட்ட 60 சதவீதத்திற்கு அதிகமாக மழை பெய்துள்ளதால் வயல்களில் தண்ணீர் தேங்கி உள்ளது. விவசாயிகளை சந்தித்து பேசியபோது பல்வேறு கருத்துகளை தெரிவித்தனர்.
வாய்க்கால்கள் தூர்வாரப்படும்
மேலும் நாங்கள் ஆய்வு செய்தபோது பெரும்பாலான விவசாயிகள், சி அண்டு டி வாய்க்கால்களை துார்வார வேண்டும் என விவசாயிகள் தெரிவித்தனர். அதன்படி வாய்க்கால்கள் தூர்வாரி பலப்படுத்தப்படும். இன்னும் 2 நாட்களில் மழையால் எவ்வளவு ஏக்கரில் பயிர்கள் பாதிக்கப்பட்டுள்ளது என்பது படிப்படியாகதெரியவரும். ஏற்கனவே பாதிக்கப்பட்ட பகுதிகளுக்கு மத்திய அரசிடம் நிவாரணம் கேட்டுள்ளோம்.
மத்தியக்குழுவும் நேரில் வந்து பார்வையிட்டு சென்றுள்ளது. தற்போது பாதிக்கப்பட்ட பகுதிகளுக்கும் மத்தியஅரசிடம் நிவாரணம் கேட்டு வழங்க நடவடிக்கை எடுக்கப்படும். இடுப்பொருட்களுக்கு பதிலாக பணத்தை வழங்க வேண்டும் என விவசாயிகள் கோரிக்கை வைத்துள்ளனர். அவர்களது கோரிக்கை குறித்து மாவட்ட கலெக்டரின் மூலம் முதல்-அமைச்சர் மு.க.ஸ்டாலினிடம் பரிந்துரை செய்யப்படும். அவர் இறுதி முடிவு எடுப்பார்.நிவாரண தொகையை உயர்த்தி வழங்க வேண்டும் என பல கோரிக்கைகள் விவசாயிகள் தரப்பில் இருந்து வந்து கொண்டு இருக்கிறது. அந்த கோரிக்கை குறித்து முதல்-அமைச்சரின் கவனத்திற்கு கொண்டு செல்லப்படும். அடுத்த மழை காலம் தொடங்கும் முன்பாக எந்தெந்த பகுதிகளில் வடிகால் வசதிகள் பாதிப்பு ஏற்பட்டுள்ளது என்பதை அறிந்து அந்த பகுதிகளில் தூர்வார நடவடிக்கை எடுக்கப்படும்.
இவ்வாறு அவர் கூறினார்.
ஆய்வின்போது தமிழக அரசின் தலைமை கொறடா கோவி.செழியன், மாவட்ட கலெக்டர் தினேஷ் பொன்ராஜ் ஆலிவர், எம்.எல்.ஏ.க்கள் துரை.சந்திரசேகரன்(திருவையாறு), டி.கே.ஜி. நீலமேகம் (தஞ்சை) மற்றும் அதிகாரிகள், உள்ளாட்சி பிரதிநிதிகள் உடன் இருந்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
