<
கும்மிடிப்பூண்டி அருகே பெண்ணை வெட்டிய விவசாயி கைது
கும்மிடிப்பூண்டி அருகே பெண்ணை வெட்டிய விவசாயி கைது செய்யப்பட்டார்.
கும்மிடிப்பூண்டி,
திருவள்ளுர் மாவட்டம் கும்மிடிப்பூண்டி அடுத்த ராக்கம்பாளையம் கிராமத்தை சேர்ந்தவர் மரகதம்மாள் (வயது 52). இவருக்கும் இவரது வீட்டின் அருகே உள்ள விவசாயி கதிர்வேலு (40) என்பவருக்கும் இடையே நிலபிரச்சினை தொடர்பாக முன்விரோதம் இருந்து வருகிறது.
இந்த நிலையில் நேற்று முன்தினம் வீட்டின் அருகே வாழை மரத்தை கதிர்வேலு வெட்டும் போது ஏற்பட்ட தகராறில், அவர் மரகதம்மாளை கத்தியால் தலையில் வெட்டியதாக கூறப்படுகிறது. இதில் படுகாயம் அடைந்த அவர் சிகிச்சைக்காக பொன்னேரி அரசு ஆஸ்பத்திரியில் அனுமதிக்கப்பட்டுள்ளார்.
இதுகுறித்து ஆரம்பாக்கம் போலீசார் வழக்குப்பதிவு செய்து பெண்ணை கத்தியால் வெட்டிய கதிர்வேலுவை நேற்று கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
