<
மதுகுடிக்க பணம் கேட்டு தாயை தாக்கிய வாலிபர் கைது
மதுகுடிக்க பணம் கேட்டு தாயை தாக்கிய வாலிபர் கைது செய்யப்பட்டார்.
போடி:
போடி சர்ச் தெருவை சேர்ந்தவர் அன்பழகன். இவரது மனைவி சாந்தி (வயது 45). இவர்களது மகன் மருதுபாண்டியன் (19). இவர் குடிபழக்கத்திற்கு அடிமையானதாக கூறப்படுகிறது. மேலும் அவர் வேலைக்கு செல்லாமல் ஊர் சுற்றி வந்துள்ளார். அவ்வப்போது மதுகுடிக்க பணம் கேட்டு தனது தாய் சாந்தியிடம் தகராறு செய்து வந்தார்.
இந்தநிலையில் கடந்த 28-ந்தேதி மருதுபாண்டியன் மதுகுடிக்க பணம் கேட்டு தனது தாயிடம் மீண்டும் தகராறில் ஈடுபட்டார். அப்போது அவர் பணம் தர மறுத்தார். இதனால் ஆத்திரமடைந்த மருதுபாண்டியன், தனது தாயை தாக்கினார்.
இதுகுறித்து அவர் போடி டவுன் போலீஸ் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து மருதுபாண்டியனை கைது செய்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
